ପୁରୀ: ପୁଣି ଚର୍ଚ୍ଚାରେ ଶ୍ରୀମନ୍ଦିର। ଶ୍ରୀମନ୍ଦିରର ଗର୍ଭଗୃହ ଭିତରେ ଏକ ଚୂନ ଖଣ୍ଡ ଖସିପଡ଼ିଥିବା ଜଣାପଡ଼ିଛି । ଖସିପଡ଼ିଥିବା ଚୂନ ଖଣ୍ଡର ଓଜନ ପ୍ରାୟ ଦେଢ଼ କିଲୋର ହେବ ବୋଲି କୁହାଯାଉଛି । ତେବେ ମହାପ୍ରଭୁଙ୍କ ଶ୍ରୀଅଙ୍ଗରେ କୌଣସି ଆଘାତ ଲାଗିନାହିଁ ବୋଲି ସୂଚନା ରହିଛି। ଏହି ଘଟଣା ଦୁଇ ଦିନ ତଳର ବୋଲି ଜଣାପଡ଼ିଛି। ତେବେ କେତେକ ଗର୍ଭଗୃହରେ ଖସିପଡ଼ିଥିବା ଖଣ୍ଡଟି ଚୂନ ନୁହେଁ, ପଥର ହୋଇପାରେ ବୋଲି ଦାବି କରୁଛନ୍ତି। ମାତ୍ର ପ୍ରଶାସନ ପକ୍ଷରୁ ଏ ସଂକ୍ରାନ୍ତରେ କୌଣସି ସ୍ପଷ୍ଟ ସୂଚନା ଜାରି କରାଯାଇନାହିଁ।
Sambad is now on WhatsApp
Join and get latest news updates delivered to you via WhatsApp
ଶ୍ରୀମନ୍ଦିର ଅଧୀକ୍ଷଣ ଯନ୍ତ୍ରୀ ନରେଶ ଚନ୍ଦ୍ର ରାଉତ କହିଛନ୍ତି ଯେ ‘‘କିଛି ଦିନ ତଳେ ଅଳ୍ପ କିଛି ଚୂନ ଖସିଥିଲା। ଏହା ଏକ ବଡ଼ ଘଟଣା ନୁହେଁ।’’ ଗର୍ଭଗୃହର ମରାମତି ସମୟରେ ପଥରଗୁଡ଼ିକୁ ସୁରକ୍ଷିତ କରି ରଖିବା ଲାଗି ଏକ ବିଶେଷ ଧରଣର ପ୍ରଲେପ(ଚୂନ) ଦିଆଯାଇଥାଏ। ଏହି ପ୍ରଲେପରୁ ଏକ ଖଣ୍ଡ ଖସିଥିବା ବିଶେଷ ସୂତ୍ରରୁ ପ୍ରକାଶ।
ଶ୍ରୀଗୁଣ୍ଡିଚା ଯାତ୍ରା ସମୟରେ ଶ୍ରୀମନ୍ଦିର ମରାମତି କାର୍ଯ୍ୟ ହୋଇଥିଲା। ଏ ନେଇ ଶ୍ରୀମନ୍ଦିର ପ୍ରଶାସନ ପକ୍ଷରୁ ଏଯାବତ୍ କୌଣସି ସୂଚନା ଦିଆଯାଇନାହିଁ।