ବ୍ରହ୍ମପୁର: ଗଞ୍ଜାମ ହିଞ୍ଜିଳିକାଟୁରେ ଠାକୁରାଣୀଙ୍କ ଗାଁ ବୁଲାକୁ ନେଇ ଗୋଷ୍ଠୀ ସଂଘର୍ଷ ହୋଇଛି । ଦୁଇ ପକ୍ଷ ମଧ୍ୟରେ ହାତାହାତି ଓ ମାରପିଟ ହୋଇଛି । ହିଞ୍ଜିଳିକାଟୁ ଥାନା ଆଙ୍କୋରଡା ଗାଁରେ ମା’ ମହୁରୀକାଳୁଆ ଯାତ୍ରା ଉଦଯାପନୀ ଉତ୍ସବରେ ଘଟ ଓ ପଟୁଆର ବୁଲିବାକୁ ନେଇ ଦୁଇ ସାହିର ଲୋକ ହାତାହାତି ଦେଇଛନ୍ତି । ଜାନିନଗର ସାହି ଓ ଧୋବା ସାହି ଲୋକଙ୍କ ମଧ୍ୟରେ ବିବାଦ ଦେଖାଦେବାରୁ ତୀବ୍ର ଉତ୍ତେଜନା ପ୍ରକାଶ ପାଇଥିଲା ।
Sambad is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ ଜାନି ନଗର ସାହିରେ ଠାକୁରାଣୀ ପୂଜା ସରିବା ପରେ ଘଟ ପରିକ୍ରମା ପାଇଁ ବଡ ପଟୁଆର ବାହାରିଥିଲା । କିନ୍ତୁ ଧୋବା ସାହି ବାସିନ୍ଦା ଏଥିରେ ସାମିଲ ହୋଇପାରିବେ ନାହିଁ ବୋଲି ଜାନି ନଗର ସାହି ବାସିନ୍ଦା କହିଥିଲେ । ଯାହାକୁ ନେଇ ମୁହାଁମୁହିଁ ପରିସ୍ଥିତି ସୃଷ୍ଟି ହୋଇଥିଲା । ଏହାକୁ ନେଇ ଉତ୍ତେଜନା ବଢିଥିଲା । ପୋଲିସ ଘଟଣାସ୍ଥଳରେ ପହଞ୍ଚି ଦୁଇ ଗୋଷ୍ଠୀ ଲୋକଙ୍କୁ ବୁଝାସୁଝା କରିଥିଲା । ପରେ ତହସିଲଦାର, ଏସଡିପିଓ, ଆସିକା ଥାନା ଅଧିକାରୀ ଦୁଇ ପ୍ଲାଟୁନ ଫୋର୍ସ ନେଇ ଘଟଣାସ୍ଥଳରେ ପହଞ୍ଚିଥିଲେ ।