ଗତ ଜୁଲାଇ ମାସରେ ୫୪% ଜିଏସ୍ଟି ସଂଗ୍ରହ ହୋଇଛି : ମୁଖ୍ୟମନ୍ତ୍ରୀ
ରାୟଗଡ଼ାରେ ଉତ୍କଳ ଆଲୁମିନାର ନୂଆ କାରଖାନା ଉଦ୍ଘାଟିତ
ଭୁବନେଶ୍ବର: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଜି ରାୟଗଡ଼ା ଜିଲ୍ଲା କାଶୀପୁରରେ ଉତ୍କଳ ଆଲୁମିନା ରେଫାଇନେରି କାରଖାନାର ସଂପ୍ରସାରଣ ଶାଖାକୁ ଉଦ୍ଘାଟନ କରିଛନ୍ତି। କଂପାନିର ଏହି ନୂତନ କାରଖାନା ଉଦ୍ଘାଟନ ହେବା ପରେ ଉତ୍କଳ ଆଲୁମିନାର ଉତ୍ପାଦନ କ୍ଷମତା ବାର୍ଷିକ ୧.୫ ମିଲିୟନ ଟନ୍ରୁ ୨ ମିଲିୟନ ଟନ୍ ହୋଇପାରିବ।
Sambad is now on WhatsApp
Join and get latest news updates delivered to you via WhatsApp
ଏହି ଅବସରରେ ମୁଖ୍ୟମନ୍ତ୍ରୀ ନବୀନ କହିଛନ୍ତି, କରୋନା ଭାଇରସ ମହାମାରୀ ପରେ ରାଜ୍ୟର ଆର୍ଥିକ ସ୍ଥିତିରେ ପରିବର୍ତ୍ତନ ଆସୁଛି। ଆମେ ଟ୍ରାକକୁ ଫେରୁଛେ। କରୋନା ସତ୍ତ୍ବେବି ପୁଂଜି ନିବେଶକାରୀ ସଂସ୍ଥା ମାନେ ରାଜ୍ୟରେ ନିବେଶ କରିବାକୁ ଆଗ୍ରହ ପ୍ରକାଶ କରୁଛନ୍ତି। ସେ କହିଛନ୍ତି ଯେ, ରାଜ୍ୟ ସରକାର ଚଳିତ ବର୍ଷ ଜୁଲାଇ ମାସରେ ୫୪ ପ୍ରତିଶତ ଅଧିକ ଜିଏସଟି ସଂଗ୍ରହ କରିଛନ୍ତି।
ଆମର ଶିଳ୍ପାନୁଷ୍ଠାନର ବିକାଶରେ ଆଦିତ୍ୟ ବିର୍ଲା ଗୃପର ବଡ଼ ଭୂମିକା ରହିଛି। କଂପାନି ଦ୍ବାରା ମେଟାଲ, ସିମେଣ୍ଟ, ବିତ୍ତିୟ ସେବା ପ୍ରଦାନ ଓ ରିଟେଲ କ୍ଷେତ୍ରରେ କାମ କରାଯାଉଛି।