ଆସନ୍ତାକାଲି ସୁନ୍ଦରଗଡ଼ ଗସ୍ତ କରି ବିଭିନ୍ନ ପ୍ରକଳ୍ପର ଶୁଭାରମ୍ଭ ଓ ଶିଳାନ୍ୟାସ କରିବେ ମୁଖ୍ୟମନ୍ତ୍ରୀ

ସବୁଜ ରଙ୍ଗରେ ସଜେଇ ହେଉଛି ପୁରା ସୁନ୍ଦରଗଡ଼ ଜିଲ୍ଲା । ଚାରିଆଡ଼େ ମୁଖ୍ୟମନ୍ତ୍ରୀଙ୍କ ବଡ଼ ବଡ଼ ପୋଷ୍ଟର ଓ ବ୍ୟାନର । ଆସନ୍ତାକାଲି ମୁଖ୍ୟମନ୍ତ୍ରୀଙ୍କ ସୁନ୍ଦରଗଡ ଜିଲ୍ଲା ଗସ୍ତ କାର୍ଯ୍ୟକ୍ରମ ରହିଛି । ଆଉ ଏଥିପାଇଁ ପୁର ଜିଲ୍ଲା ବିଜେଡି ହୋଇଉଠିଛି ଚଳଚଞ୍ଚଳ । ମୁଖ୍ୟମନ୍ତ୍ରୀଙ୍କ ଗସ୍ତକୁ ସଫଳ କରିବା ପାଇଁ ଲାଗିପଡ଼ିଛନ୍ତି ୧୭ ମନ୍ତ୍ରୀ ଓ ୭୦ରୁ ଅଧିକ ବିଧାୟକ । ମାଳମାଳ ନେତା, ମନ୍ତ୍ରୀ ପାଖପାଖି ୭ ଦିନରୁ ଉର୍ଦ୍ଧ୍ବ ହେବ ସୁନ୍ଦରଗଡ଼ରେ ପହଞ୍ଚି ସମସ୍ତ କାର୍ଯ୍ୟର ତଦାରଖ କରୁଛନ୍ତି । ପଞ୍ଚାୟତ କାର୍ଯ୍ୟାଳୟରୁ ଆରମ୍ଭ କରି ବ୍ଲକ କାର୍ଯ୍ୟାଳୟ ଓ ଜିଲ୍ଲା କାର୍ଯ୍ୟାଳୟରେ ମନ୍ତ୍ରୀମାନଙ୍କ ଘନଘନ ସମୀକ୍ଷା ବୈଠକ ଚାଲୁଛି । ଗାଁକୁ ଗାଁ ଯାଇ ମନ୍ତ୍ରୀ ଲୋକଙ୍କ ଅଭିଯୋଗ ଶୁଣୁଛନ୍ତି । ଅନ୍ୟପଟେ ମୁଖ୍ୟମନ୍ତ୍ରୀଙ୍କ ସୁନ୍ଦରଗଡ ଜିଲ୍ଲା ଗସ୍ତକୁ ନେଇ ଜୋର ଧରିଛି ରାଜନୀତି । ମାଳମାଳ ମନ୍ତ୍ରୀ ଓ ବିଧାୟକମାନଙ୍କୁ ଆଣି ଦଳୀୟ ପ୍ରଚାର କରାଯାଉଛି ବୋଲି ଅଭିଯୋଗ କରି ମୁଖ୍ୟମନ୍ତ୍ରୀଙ୍କ ଗସ୍ତକୁ କଳାଦିବସ ଭାବେ ପାଳନ କରିବା ସହ ଏହିଦିନ କଳାବ୍ୟାଚ୍ ପରିଧାନ କରିବ ବୋଲି ଦଳ କହିଛି । ଅନ୍ୟପଟେ ଜିଲ୍ଲାକୁ ମନ୍ତ୍ରୀ ବୀହିନ କରି ରଖିଥିବାରୁ ଟାର୍ଗେଟ କରିଛି ଜିଲ୍ଲା ବିଜେପି ।