ଅଲିମ୍ପିକ୍ସରେ ପିଭି ସିନ୍ଧୁଙ୍କ ପଦକ ହାସଲ ଅନ୍ୟମାନଙ୍କୁ ପ୍ରେରଣା ଯୋଗାଇବ: ମୁଖ୍ୟମନ୍ତ୍ରୀ

ଭୁବନେଶ୍ୱର: ଟୋକିଓ ଅଲିମ୍ପିକ୍ସ-୨୦୨୦ରେ ଆଜି କାଂସ୍ୟ ପଦକ ଜିତିଥିବା ଭାରତୀୟ ସଟଲର ପିଭି ସିନ୍ଧୁଙ୍କୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଶୁଭେଚ୍ଛା ଜଣାଇଛନ୍ତି । ନବୀନ ଟୁଇଟ କରି କହିଛନ୍ତି, ବ୍ୟାଡମିଣ୍ଟନ ଷ୍ଟାର ପିଭି ସିନ୍ଧୁଙ୍କର ଏହା ହେଉଛି ଐତିହାସିକ ବିଜୟ । ତାଙ୍କର ଅଲିମ୍ପିକ୍ସରେ ପଦକ ଜିତିବା ଅନ୍ୟମାନଙ୍କୁ ପ୍ରେରଣାର ବାର୍ତ୍ତା ଦେବ ।

Well done!

Congratulate @Pvsindhu1 on her historic win to secure the Bronze medal in #Tokyo2020 #Badminton finals. Her triumph, the consecutive Olympic medals and grit is both exemplary and inspiring. Wish her my best. #Cheer4India #PVSindhu

— Naveen Patnaik (@Naveen_Odisha) August 1, 2021

ସୂଚନାଯୋଗ୍ୟ, ଟୋକିଓ ଅଲିମ୍ପିକ୍ସରେ ଭାରତୀୟ ସଟଲର ପିଭି ସିନ୍ଧୁ ଆଜି ଚମକପ୍ରଦ ପ୍ରଦର୍ଶନ କରିଛନ୍ତି । ସେ ଚୀନର ହେ ବିଙ୍ଗିଆଓଙ୍କୁ ୨ଟି ସେଟ୍ (୨୧-୧୩, ୨୧-୧୫ )ରେ ପରାସ୍ତ କରିଛନ୍ତି । ବ୍ରୋଂଜ ପଦକ ଜିତିବା ପରେ ସେ ୨ଟି ଅଲିମ୍ପିକ୍ସରେ ପଦକ ଜିତିବାରେ ପ୍ରଥମ ଭାରତୀୟ ମହିଳା ପାଲଟିଛନ୍ତି । ଏହା ପୂର୍ବରୁ ସେ ରିଓ ଅଲିମ୍ପିକ୍ସ-୨୦୧୬ରେ ପଦକ ଜିତିଥିଲେ ।

P V Sindhu becomes the first Indian woman to win medals in two Olympic games. She has set a new yardstick of consistency, dedication and excellence. My heartiest congratulations to her for bringing glory to India.

— President of India (@rashtrapatibhvn) August 1, 2021

ସିନ୍ଧୁଙ୍କୁ ସଫଳତା ମିଳିବା ପରେ ରାଷ୍ଟ୍ରପତି ରାମନାଥ କୋବିନ୍ଦ ଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମଧ୍ୟ ଟୁଇଟ କରି ଶୁଭେଚ୍ଛା ଜଣାଇଛନ୍ତି । ରାଷ୍ଟ୍ରପତି ରାମନାଥ କୋବିନ୍ଦ ଟ୍ୱିଟ କରିଛନ୍ତି ଯେ, ଦୁଇଟି ଅଲିମ୍ପିକ୍ ଖେଳରେ ପଦକ ଜିତିବାରେ ପିଭି ସିନ୍ଧୁ ପ୍ରଥମ ଭାରତୀୟ ମହିଳା ହୋଇଛନ୍ତି । ଭାରତ ପାଇଁ ଗୌରବ ଆଣିଥିବାରୁ ତାଙ୍କୁ ମୋର ହାର୍ଦ୍ଦିକ ଅଭିନନ୍ଦନ।

We are all elated by the stellar performance by @Pvsindhu1. Congratulations to her on winning the Bronze at @Tokyo2020. She is India’s pride and one of our most outstanding Olympians. #Tokyo2020 pic.twitter.com/O8Ay3JWT7q

— Narendra Modi (@narendramodi) August 1, 2021

ପ୍ରଧାନମନ୍ତ୍ରୀ ଟ୍ୱିଟରେ ଲେଖିଛନ୍ତି ଯେ, ପିଭି ସିନ୍ଧୁଙ୍କ ଚମତ୍କାର ପ୍ରଦର୍ଶନ ଦ୍ୱାରା ଆମେ ସମସ୍ତେ ଆନନ୍ଦିତ। ଟୋକିଓ ଅଲିମ୍ପିକ୍ସ-୨୦୨୦ରେ ବ୍ରୋଞ୍ଜ ଜିତିଥିବାରୁ ତାଙ୍କୁ ଅଭିନନ୍ଦନ।