ସରକାରୀ ବାବୁଙ୍କୁ ମୁଖ୍ୟମନ୍ତ୍ରୀଙ୍କ କଡା ଚେତାବନୀ, ଜାରି ରହିବ କାର୍ଯ୍ୟାନୁଷ୍ଠାନ

ଭୁବନେଶ୍ୱର: ସରକାରୀ କର୍ମଚାରୀଙ୍କୁ କଡା ଚେତାବନୀ ଦେଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ | ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ଜାରି କରାଯାଇଥିବା ଟ୍ୱିଟରେ କଡା ଭାଷାରେ କୁହାଯାଇଛି ଯେ କର୍ତ୍ତବ୍ୟର ଅବହେଳା କରୁଥିବା କର୍ମଚାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଜାରି ରହିବ | ବିଶେଷ କରି ଥାନା ଓ ଡାକ୍ତରଖାନାରେ ଲୋକଙ୍କୁ ହଇରାଣ କରୁଥିବା କର୍ମଚାରୀଙ୍କ ଉପରେ କାର୍ଯ୍ୟାନୁଷ୍ଠାନ ନିଆଯିବ | ଗଣତନ୍ତ୍ରରେ ଲୋକମାନେ ହିଁ ପ୍ରକୃତ ମାଲିକ ତେଣୁ ଉଭୟ ବୃତ୍ତିଗତ ଓ ନୀତିଗତ ଭାବେ ସରକାରୀ କଳ ଏ ଦିଗରେ କାମ କରିବ |

Such action will continue to be taken against negligence in duty and harassment to public in Government offices like police stations & hospitals. In our democracy where people are the true masters, the Government machinery must strive to serve people professionally and ethically.

— CMO Odisha (@CMO_Odisha) October 13, 2019

ଏଠାରେ ସୂଚନା ଥାଉ କି ସୁନ୍ଦରଗଡ଼ ଭାରପ୍ରାପ୍ତ ଜିଲ୍ଲା ମୁଖ୍ୟ ଚିକିତ୍ସାଧିକାରୀ ଡାକ୍ତର ପଙ୍କଜ ପଟେଲଙ୍କୁ ରାଜ୍ୟ ସରକାର ନିଲମ୍ବିତ କରିଥିବାବେଳେ ଜିଲ୍ଲାପାଳ ନିଖିଲ ପବନ କଲ୍ୟାଣଙ୍କୁ କାରଣ ଦର୍ଶାଅ ନୋଟିସ ବି ଜାରି କରିଥିଲେ |

Based on feedback received from public under #MoSarkar, Sundargarh CDMO Pankaj Patel has been placed under suspension with immediate effect for negligence & @DMSundargarh Nikhil Pawan Kalyan also issued with show cause notice for the lapses in implementation of #5Ts.

— CMO Odisha (@CMO_Odisha) October 13, 2019

ଏହି ପରିପ୍ରେକ୍ଷୀରେ ଏଭଳି ଟ୍ୱିଟ କରି ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ସରକାରୀ ଅଧିକାରୀଙ୍କୁ ଚେତାଇ ଦିଆଯାଇଛି | ଆଜି ୫ଟି ସଚିବ ଭି କେ ପାଣ୍ଡିଆନଙ୍କ ସହ ରାଜ୍ୟ ଉନ୍ନୟନ କମିଶନର ସୁରେଶ ମହାପାତ୍ର ସୁନ୍ଦରଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟ ପରିଦର୍ଶନରେ ଯାଇଥିଲେ | ତେବେ ଏହି ସମୟରେ ଫାଇଭ୍ ଟି ସଚିବ ଭି.କେ ପାଣ୍ଡିଆନ୍ ସୁନ୍ଦରଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟରେ କେତେକ ତ୍ରୁଟି ଥିବା ଦେଖି ବିରକ୍ତ ହୋଇଥିଲେ ବୋଲି କୁହାଯାଉଛି। ଏହାପରେ କାର୍ଯ୍ୟାନୁଷ୍ଠାନ ନିଆଯାଇଥିଲା |