ସାରା ରାଜ୍ୟରେ ପ୍ରବଳ ଶୀତ, ଜାଣନ୍ତୁ କେଉଁ ସ୍ଥାନର ସର୍ବନିମ୍ନ ତାପମାତ୍ରା କେତେ
ଭୁବନେଶ୍ୱର: ଆଜି ସାରା ରାଜ୍ୟରେ ପ୍ରବଳ ଶୀତ ଅନୁଭୂତ ହେଉଥିବା ଜଣାଯାଇଛି। ତେବେ ରାଜ୍ୟର ସୋନପୁର ଜିଲ୍ଲାରେ ସବୁଠୁ ଅଧିକ ଅନୁଭୂତ ହେଉଛି। ଆଜି ସକାଳ ସାଢ଼େ ୮ଟା ବେଳକୁ ଏଠାକାର ସର୍ବନିମ୍ନ ତାପମାତ୍ରା ଥିଲା ୪ ଡିଗ୍ରି ସେଲସି୍ଅସ୍।
Sambad is now on WhatsApp
Join and get latest news updates delivered to you via WhatsApp
ଏହାଛଡ଼ା ଆଜି ରାଜ୍ୟର ୯ଟି ସହରର ତାପମାତ୍ରା ୧୦ ଡିଗ୍ରି ତଳେ ରହିଛି। ପ୍ରାପ୍ତ ସୂଚନା ଅନୁଯାୟୀ, କେନ୍ଦୁଝରରେ ୫.୬ ଡିଗ୍ରି ସେଲସି୍ଅସ୍, ଝାରସୁଗୁଡ଼ାରେ ୫.୮ ଡିଗ୍ରି ସେଲସି୍ଅସ୍, ଦାରିଙ୍ଗିବାଡ଼ିରେ ୭ ଡିଗ୍ରି ସେଲସି୍ଅସ୍, ସମ୍ବଲପୁରରେ ୭.୪ ଡିଗ୍ରି ସେଲସି୍ଅସ୍, ବାଲେଶ୍ୱରରେ ୭.୬ ଡିଗ୍ରି ସେଲସି୍ଅସ୍, କଟକରେ ୯.୬ ଡିଗ୍ରି ସେଲସି୍ଅସ୍, ହୀରାକୁଦରେ ୯.୮ ଡିଗ୍ରି ସେଲସି୍ଅସ୍ , ଟିଟଲାଗଡ଼ରେ ୭ ଡିଗ୍ରି ସେଲସି୍ଅସ୍ ଓ ରାଜଧାନୀ ଭୁବନେଶ୍ୱରରେ ତାପମାତ୍ରା ୧୨ ଡିଗ୍ରି ସେଲସି୍ଅସ୍ ତାପମାତ୍ରା ରହିଛି।
ଆଜି ରାଜ୍ୟର କେତେକ ସ୍ଥାନରେ ତୁଷାରପାତ ହୋଇଥିବାର ସୂଚନା ମିଳିଛି। ଝାରସୁଗୁଡ଼ା ଜିଲ୍ଲାର ଲଇକେରା ଓ ସୁନ୍ଦରଗଡ଼ ଜିଲ୍ଲାର କୋଇଡ଼ାରେ ତୁଷାରପାତ ହୋଇଥିବାର ସୂଚନା ମିଳିଛି। ଆଜି ସକାଳେ ରାଉରକେଲା ଓ ସୁନ୍ଦରଗଡ଼ରେ ବି ଅସହ୍ୟ ଥଣ୍ଡା ଅନୁଭୂତ ହୋଇଛି ।
ଠିକ୍ ସେହିପରି କେନ୍ଦୁଝର ଜିଲ୍ଲାର ଯୋଡ଼ା ବ୍ଲକ ଆସେଇଁକଳା ଗ୍ରାମପଞ୍ଚାୟତର ପୁଟୁଙ୍ଗାରେ ପାଳ ଗଦା ଉପରେ ତୁଷାରପାତ ହୋଇଥିବାର ଦେଖିବାକୁ ମିଳିଛି। କାଞ୍ଜିପାଣି ଘାଟିରେ ବି ତୁଷାରପାତ ହୋଇଥିବାର ସୂଚନା ମିଳିଛି।