ଭୁବନେଶ୍ୱର: ଆସନ୍ତା ପାଞ୍ଚ ଦିନ ପର୍ଯ୍ୟନ୍ତ ରାଜ୍ୟର ପାଗ ମୁଖ୍ୟତଃ ଶୁଖିଲା ରହିବା ସହ ପାଗରେ ସେପରି କୌଣସି ବଡ଼ଧରଣର ପରିବର୍ତ୍ତିନ ଘଟିବ ନାହିଁ। ତେବେ, ବର୍ତ୍ତମାନ ରାଜ୍ୟରେ ଜାରି ରହିଥିବା ଶୀତ ଲହରୀର ପ୍ରଭାବ ଆଜିଠାରୁ କମ୍ ହେବାକୁ ଆରମ୍ଭ କରିବ ଏବଂ ୩୧ ଓ ୧ ତାରିଖରେ ପୁନର୍ବାର ବଢ଼ିବ ବୋଲି ଭୁବନେଶ୍ୱରସ୍ଥିତ ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର ପକ୍ଷରୁ ଜାରି ଏକ ସୂଚନାରେ କୁହାଯାଇଛି।
Sambad is now on WhatsApp
Join and get latest news updates delivered to you via WhatsApp
ଆଗାମୀ ୨ଦିନ ମଧ୍ୟରେ ରାତ୍ରି ତାପମାତ୍ରା ବା ସର୍ବନିମ୍ନ ତାପମାତ୍ରା ରେ ବଡ ପରିବର୍ତ୍ତନର ସମ୍ଭାବନା ନାହିଁ, ରାତ୍ରି ତାପମାତ୍ରା ଆଗାମୀ #୩୧ଡିସେମ୍ବର ଠାରୁ ୨ ରୁ ୩ ଡ଼ିଗ୍ରୀ ତଳକୁ ଖସିବାର ସମ୍ଭାବନା ଏବଂ #୩୧ତାରିଖ ପରଠାରୁ ରାତ୍ରି ତାପମାତ୍ରା ଓଡ଼ିଶାର ଜିଲ୍ଲାଗୁଡିକରେ ସ୍ୱାଭାବିକ ଠାରୁ #୩ରୁ–#୫ଡ଼ିଗ୍ରୀ ତଳେ ରହିବାର ସମ୍ଭାବନା pic.twitter.com/vBDr2JQQtE
— Meteorological Centre, Bhubaneswar (@mcbbsr) December 28, 2020
୩୦ ତାରିଖ ପର୍ଯ୍ୟନ୍ତ ରାଜ୍ୟର କଟକ, ଜଗତସିଂହପୁର, ଖୋର୍ଦ୍ଧା, ନୟାଗଡ଼, କନ୍ଧମାଳ, ରାୟଗଡା, କୋରାପୁଟ, ମାଲକାନଗିରି ଏବଂ କଳାହାଣ୍ଡି ଜିଲ୍ଲାରେ ଘନ କୁହୁଡି ପଡ଼ିବାର ସମ୍ଭାବନା ଅଧିକ ରହିଛି।
#Warning Day 3 to Day 5 ( Valid from 0830 hrs IST of 30.12.2020 upto 0830 hrs IST of 02.01.2021)
Yellow Warning: Isolated Cold wave condition very likely over the districts of Jharsuguda, Angul, Sundargarh, Deogarh, Boudh and Kandhamal. pic.twitter.com/l23gc6JAon— Meteorological Centre, Bhubaneswar (@mcbbsr) December 28, 2020
ସେହିପରି ୩୧ ତାରିଖ ରାତି ଠାରୁ ରାଜ୍ୟର ଝାରସୁଗୁଡା, ସୁନ୍ଦରଗଡ, ଦେବଗଡ, ଅନୁଗୁଳ, ବୌଦ୍ଧ, କନ୍ଧମାଳ ପ୍ରଭୃତି ଜିଲ୍ଲାରେ ଶୀତ ଲହରୀ ଅନୁଭୂତ ହେବା ସହ ରାତିର ତାପମାତ୍ରାରେ ହ୍ରାସ ପରିଲକ୍ଷିତ। ଏହି ସବୁ ଜିଲ୍ଲାରେ ରାତିର ପାରଦ ୨ରୁ ୩ ଡିଗ୍ରି ପର୍ଯ୍ୟନ୍ତ ଖସିବାର ସମ୍ଭାବନା ରହିଛି। ଏହାକୁ ଦୃଷ୍ଟିରେ ରଖି ଏହି ଜିଲ୍ଲାଗୁଡ଼ିକ ପାଇଁ ୟେଲୋ ଓ୍ଵାର୍ଣ୍ଣିଂ ଜାରି କରିଛି ପାଣିପାଗ ବିଭାଗ।
ଏହି ସମୟ ମଧ୍ୟରେ ରାଜଧାନୀ ଭୁବନେଶ୍ୱର ଓ ଏହାର ଆଖପାଖ ଅଞ୍ଚଳରେ ରାତିର ତାପମାତ୍ରା ୧୩ ଡିଗ୍ରି ରହିବ ବୋଲି କହିଛି ପାଣିପାଗ ବିଭାଗ।