ହରିଶଙ୍କର ଝରଣା କୂଳରେ ମଦ ପିଇବାକୁ ନେଇ ଗୋଷ୍ଠୀ ସଂଘର୍ଷ: ୬ ଗିରଫ
ପାଟଣାଗଡ଼: ପ୍ରସିଦ୍ଧ ହରିଶଙ୍କର ପୀଠର ଝରଣା କୂଳରେ ମଦ ପିଇବାକୁ ନେଇ ମଙ୍ଗଳବାର ତୁମୁଳ କାଣ୍ଡ ଘଟିଥିଲା। ଏହି ମାମଲାରେ ବୁଧବାର ଉଭୟ ଗୋଷ୍ଠୀର ୬ ଜଣଙ୍କୁ କୋର୍ଟଚାଲାଣ କରାଯାଇଛି।
Sambad is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ, ଝରଣା କୂଳରେ କଣ୍ଟାବାଞ୍ଜିରୁ ଆସିଥିବା କିଛି ଲୋକ ମଦ ପିଉଥିଲେ। ଏହା ଦେଖି ମନ୍ଦିର ମ୍ୟାନେଜର ଓ ପରିଚାଳନା କମିଟିର ସଦସ୍ୟମାନେ ବାରଣ କରିଥିଲେ। ଏହାକୁ ନେଇ ଗୋଷ୍ଠୀ ସଂଘର୍ଷ ଘଟିଥିଲା। ହରିଶଙ୍କର ପୁଲିସ ଘଟଣାସ୍ଥଳରେ ପହଞ୍ଚି ଉଭୟ ପକ୍ଷରୁ ୧୦ରୁ ଅଧିକ ଲୋକଙ୍କୁ ଖପ୍ରାଖୋଲ ଥାନାରେ ଅଟକ ରଖିଥିଲା। କୋର୍ଟ ଚାଲାଣ ହୋଇଥିବା ୬ ଜଣ ହେଲେ କଣ୍ଟାବାଞ୍ଜିର ଧୀରଜ ଗୁପ୍ତା(୨୭), ଅଭିଷେକ ପୁରୋହିତ(୨୭), ବିନୟ ଜସଓ୍ବାନି(୨୭) ଏବଂ ହରିଶଙ୍କରର ବିଶ୍ବ ପ୍ରଧାନୀ(୩୧), ନାନ୍ଦୁପଲାର ମଣ୍ଟୁ ପ୍ରଧାନୀ(୨୧) ଓ ତାମିପଦର ଗ୍ରାମର କୃଷ୍ଣ ଛତ୍ରିଆ।