ରାୟଗଡ଼ : ସାଉଥ୍‌କୋ ବିଦ୍ୟୁତ ସବ୍‌ଷ୍ଟେସନରେ କନିଷ୍ଠଯନ୍ତ୍ରୀ ପଦବି ପ୍ରାୟ ୭ବର୍ଷ ହେଲା ଖାଲିରହିଛି। ଗତ ତିନିମାସ ତଳେ ଏଠାରେ କନିଷ୍ଠଯନ୍ତ୍ରୀ ଭାବେ ସୁଶୀଲ କୁମାର ବରାଳ କାର୍ଯ୍ୟରେ ଯୋଗ ଦେଇଥିଲେ। ହେଲେ ତିନିମାସ ନପୂରୁଣୁ ତାଙ୍କୁ ଏଠାରୁ ବଦଳି କରାଯାଇଛି। ତେବେ ନୂତନଯନ୍ତ୍ରୀ ଏଠାରେ ଯୋଗଦେଇଥିଲେ ମଧ୍ୟ ପୂର୍ବରୁ ଏଠାରେ ଦାୟିତ୍ବରେ ରହିଥିବା ଉପଲଡା ସବଷ୍ଟେସନର କନିଷ୍ଠଯନ୍ତ୍ରୀ ଦେବେନ୍ଦ୍ରନାଥ ସାହୁ ଦାୟିତ୍ୱ ହସ୍ତାନ୍ତର କରିନଥିଲେ। ଏନେଇ ବାରମ୍ବାର ସେ ବିଭାଗୀୟ ଅଧିକାରୀଙ୍କୁ ଦାୟତ୍ବ ହସ୍ତାନ୍ତର ପାଇଁ ଅବଗତ କରିଥିଲେ। ତଥାପି ତାଙ୍କୁ ଦାୟିତ୍ବ ଦିଆଯାଇନଥିବା ବେଳେ ଏଠାରୁ ତାଙ୍କୁ ହଠାତ୍‌ ବଦଳି ହୋଇଥିବା ଜଣାପଡ଼ିଛି। ତେବେ ତିତ୍‌ଲି, ହୁଦହୁଦ୍‌ ଓ ଫାଇଲିନ ବେଳେ ରାୟଗଡ଼ ବ୍ଲକ‌ରେ ବିଦ୍ୟୁତ ସେକ୍ସନରେ ବହୁ କ୍ଷତି ହୋଇଥିଲା। ଏହାର ମରାମତି ପାଇଁ କୋଟିକୋଟି ସହାୟତା ଟଙ୍କା ଆସିଥିବା ବେଳେ ଏହାର ବାଟମାରଣ ହୋଇଥିବା ନେଇ ସାଧାରଣରେ ଅଭିଯୋଗ ହୋଇଛିା ତେଣୁ ନୂତନ ଯନ୍ତ୍ରୀଙ୍କୁ ଏଠାରେ ଦାୟତ୍ବ ହସ୍ତାନ୍ତର ନକରି ତିନିମାସ ମଧ୍ୟରେ ବଦଳି କରାଯାଇଥିବା ନେଇ ଚର୍ଚ୍ଚା ଧରିଛି।