ଡାକ୍ତରୀ ଛାତ୍ର ଇଫୁ ମଲ୍ଲିକଙ୍କୁ ନିଜ ବିଦ୍ୟାଳୟରେ ସମ୍ବର୍ଦ୍ଧନା

ବାଲିଗୁଡ଼ା : ସହିଦ୍ ଲକ୍ଷ୍ମଣ ନାୟକ ମେଡିକାଲ୍ କଲେଜ୍, କୋରାପୁଟର ଛାତ୍ର ତଥା କନ୍ଧମାଳ ଜିଲ୍ଲାର ଗୌରବ ଇଫୁ ମଲ୍ଲିକଙ୍କୁ ଆଜି ନିଜ ବିଦ୍ୟାଳୟ ସରକାରୀ ଉନ୍ନୀତ ଉଚ୍ଚବିଦ୍ୟାଳୟ, ମିଡ଼ିଆକିଆରେ ସମ୍ବର୍ଦ୍ଧିତ କରାଯାଇଛି। ଏହି ବିଦ୍ୟାଳୟରେ ଇଫୁ ପ୍ରଥମରୁ ଦଶମଶ୍ରେଣୀ ପର୍ଯ୍ୟନ୍ତ ପଢ଼ିବା ସହ କୃତିତ୍ବ ହାସଲ କରିଥିଲେ। ପରେ ବିଦ୍ୟାଳୟର ଶିକ୍ଷୟିତ୍ରୀ ଅନିତା ନାୟକଙ୍କ ତତ୍ତ୍ୱାବଧାନରେ ଭୁବନେଶ୍ୱର ଯାଇ ନିଜର କଲେଜ ଶିକ୍ଷା ଶେଷ କରିବା ସହ ମେଡ଼ିକାଲ ପଢ଼ା ପାଇଁ ନାମ ଲେଖାଇଥିଲେ।

ଆଜିର ସମ୍ବର୍ଦ୍ଧନା କାର୍ଯ୍ୟକ୍ରମରେ ବିଦ୍ୟାଳୟର ସମସ୍ତ ଶିକ୍ଷକଶିକ୍ଷୟିତ୍ରୀ, ପରିଚାଳନା କମିଟି ସଦସ୍ୟ, ମିଡିଆକିଆ ପଞ୍ଚାୟତର ସରପଞ୍ଚ ଅଶୋକ ମଲ୍ଲିକ ଓ ଛାତ୍ରଛାତ୍ରୀ ଉପସ୍ଥିତ ଥିଲେ। ପ୍ରଧାନଶିକ୍ଷୟିତ୍ରୀ ବିଜୟଲକ୍ଷ୍ମୀ ପଟ୍ଟନାୟକ ସଭାପତିତ୍ୱ କରିଥିବା ବେଳେ ବିଜ୍ଞାନଶିକ୍ଷକ ଅସିତ କୁମାର ସାହୁ ପରିଚାଳନା କରିଥିଲେ। ରମାକାନ୍ତ ବିଶ୍ଵାଳ, ଅବନୀ କୁମାର ନାୟକ, ଶ୍ରୀଧର ସାହୁ, କନକଲତା ମିଶ୍ର, ଅନିତା କୁମାରୀ ନାୟକ, ଗୀତା ବିନ୍ଧାଣି, ସମାଜସେବୀ ଗୌରଚନ୍ଦ୍ର ପୂଜାରୀ ଓ ଛାତ୍ରଛାତ୍ରୀ ଉପସ୍ଥିତ ଥିଲେ। ଶେଷରେ ଇଫୁଙ୍କୁ ଉପଢ଼ୌକନ, ମାନପତ୍ର ଓ କିଛି ଅର୍ଥ ରାଶି ପ୍ରଦାନ କରାଯାଇଥିଲା। କ୍ରୀଡ଼ା ଶିକ୍ଷକ ଗୋବିନ୍ଦ ଚନ୍ଦ୍ର ବିଷୋୟୀ ଧନ୍ୟବାଦ ଅର୍ପଣ କରିଥିଲେ।