ଝାରସୁଗୁଡ଼ା: ଝାରସୁଗୁଡ଼ା ଜିଲ୍ଲା କଂଗ୍ରେସ ପକ୍ଷରୁ ମଙ୍ଗଳବାର ଦିନ ଦୁଇଟି ନିର୍ବାଚନମଣ୍ଡଳୀ ତଥା ଝାରସୁଗୁଡ଼ା ଏବଂ ବ୍ରଜରାଜନଗର ପାଇଁ ପ୍ରାର୍ଥୀ ଘୋଷଣା ପାଇଁ ସାମ୍ବାଦିକ ସମ୍ମିଳନୀ ଡକାଯାଇଥିଲା। ହେଲେ, ଦଳ ପକ୍ଷରୁ କେବଳ ବ୍ରଜରାଜନଗର ପାଇଁ ପ୍ରାର୍ଥୀ ଘୋଷଣା କରାଯାଇଥିଲା ବେଳେ ଝାରସୁଗୁଡ଼ା ପାଇଁ କାହା ନାମ ଘୋଷଣା କରାଯାଇନାହିଁ। ବ୍ରଜରାଜନଗର ନିର୍ବାଚନମଣ୍ଡଳୀରେ କଂଗ୍ରେସର ପ୍ରାର୍ଥୀ ହୋଇଛନ୍ତି ଦଳର ବରିଷ୍ଠ ନେତା କିଶୋର ପଟେଲ୍‌।

Advertisment

ଜିଲ୍ଲା କଂଗ୍ରେସ କାର୍ଯ୍ୟାଳୟରେ ଏହି ସାମ୍ବାଦିକ ସମ୍ମିଳନୀର ଆୟୋଜନ କରାଯାଇଥିଲା। କଂଗ୍ରେସର ମୁଖପାତ୍ର ହମିଦ୍‌ ହୁସେନ କହିଥିଲେ ଯେ, ଆସନ୍ତା ସାଧାରଣ ନିର୍ବାଚନରେ ଝାରସୁଗୁଡ଼ା ନିର୍ବାଚନମଣ୍ଡଳୀରେ ସମସ୍ତଙ୍କୁ ଚକିତ କରିଦେବା ଭଳି ଜଣେ ପ୍ରାର୍ଥୀ ହେବେ ଓ ବ୍ରଜରାଜନଗରରେ କିଶୋର ପଟେଲ ପ୍ରାର୍ଥୀ ହେବେ। ସାମ୍ବାଦିକ ସମ୍ମିଳନୀ‌ରେ ଅନ୍ୟମାନଙ୍କ ମଧ୍ୟରେ ଜୀବନ ସାର୍ଥକ ଦାସ, ଶାହରୁଖ ଖାନ୍‌ ଉପସ୍ଥିତ ଥିଲେ।