ଖୋର୍ଦ୍ଧା: ଜଟଣୀ ପୌରାଂଚଳରେ ରେଳ ଷ୍ଟେସନର ବିକାଶ କାମ ଚାଲୁଛି । ଏହି ସମୟରେ ରେଳବାଇର ଜମିରେ ଜବରଦଖଲ କରି ବସ୍ତି କରିଥିବା ଲୋକଙ୍କୁ ଉଚ୍ଛେଦ କରିବାକୁ ରେଳବାଇ ପଦେକ୍ଷେପ ନେଇଛି । ଉଚ୍ଛେଦ ହୋଇଥିବା ବସ୍ତିବାସିନ୍ଦାଙ୍କ ଥଇଥାନ ଦାବିରେ ଆଜି ଖୋର୍ଦ୍ଧା କଂଗ୍ରେସ ପକ୍ଷରୁ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଧାରଣା ଦିଆଯାଇଛି ।
Sambad is now on WhatsApp
Join and get latest news updates delivered to you via WhatsApp
ଆଜି ପୂର୍ବାହ୍ଣରେ ଜିଲ୍ଲା କଂଗ୍ରେସ କମିଟି ସଭାପତି ତଥା ଜଟଣୀ ବିଧାୟକ ସୁରେଶ କୁମାର ରାଉତରାୟଙ୍କ ନେତୃତ୍ୱରେ ଶତାଧିକ ବସ୍ତିବାସିନ୍ଦା ଓ ଦଳୀୟ କର୍ମୀ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଏକତ୍ରିତ ହୋଇଥିଲେ । ସେଠାରେ ଧାରଣା ଦେବା ସହ ଏକ ବିକ୍ଷୋଭ ସମାବେଶର ଆୟୋଜନ କରିଥିଲେ । ଏହି ସଭାରେ ଶ୍ରୀ ରାଉତରାୟ କହିଥିଲେ ଯେ ରେଳବାଇର ଉକ୍ତ ଜମିରେ ବଂଶାନୁକ୍ରମିକ ଭାବେ ରାଜ୍ୟ ତଥା ଦେଶର ବିଭିନ୍ନ ସ୍ଥାନରୁ ପ୍ରାୟ ୬ଶହରୁ ଉଦ୍ଧ୍ୱର୍ ପରିବାର ୧୦୦ ବର୍ଷ ଧରି ବଂଶାନୁକ୍ରମିକ ଭାବେ ରହିଆସୁଛନ୍ତି । ବର୍ତମାନ ସେମାନଙ୍କୁ ରେଳବାଇ ଉଚ୍ଛେଦ କରୁଛି । ଏହା ମଧ୍ୟରେ ସେ ଅନେକ ଥର ରେଳ କର୍ତୃପକ୍ଷ ଓ ଜିଲ୍ଲା ପ୍ରଶାସନକୁ ଉଚ୍ଛେଦ ଗରିବ ବସ୍ତିବାସିନ୍ଦାଙ୍କ ଥଇଥାନ ପାଇଁ ଦାବି କରିଛନ୍ତି, କିନ୍ତୁ କୌଣସି ପଦକ୍ଷେପ ନିଆଯାଇନାହିଁ ।
ଉଚ୍ଛେଦ ହୋଇଥିବା ବସ୍ତିବାସିନ୍ଦାଙ୍କୁ ସରକାର ଜାଗା ଯୋଜନାରେ ଜମି ଓ ପଟ୍ଟା ଆଦି ଦେବା ଓ ସେମାନଙ୍କ ଥଇଥାନ ପରେ ଉଚ୍ଛେଦ କରିବାକୁ ସେ ଦାବି କରିଛନ୍ତି । ନଚେତ୍ ଆଗାମୀ ଦିନରେ ଆନେ୍ଦାଳନ ତୀବ୍ରତର ହେବ ବୋଲି ଚେତାବନୀ ଦେଇଛନ୍ତି । ଏହି କାର୍ଯ୍ୟକ୍ରମରେ ଯୁବ ନେତା କ୍ୟାପ୍ଟେନ୍ ମନ୍ମଥ ରାଉତରାୟ, ଜଟଣୀ ନଗର କଂଗ୍ରେସ ସଭାପତି ଅଶୋକ କୁମାର ମଙ୍ଗରାଜ ସମେତ ଅନେକ ନେତା ଉପସ୍ଥିତ ଥିଲେ ।