ମାସ୍କ ପିନ୍ଧି ନ ଥିବାରୁ ରାସ୍ତାରେ ଯୁବକଙ୍କୁ ମାତ୍ରାଧିକ ମାଡ଼ ମାରି କନଷ୍ଟେବଳ ନିଲମ୍ବିତ
ଯୁବକଙ୍କ ନାଆଁରେ ମହିଳା କନଷ୍ଟେବଳଙ୍କୁ ଦୁର୍ବ୍ୟବ୍ୟହାର ନେଇ ମାମଲାର ତଦନ୍ତ ଜାରି
ଭଦ୍ରକ: ମାସ୍କ ପିନ୍ଧି ନ ଥିବାରୁ ରାସ୍ତାରେ ଜଣେ ଯୁବକଙ୍କୁ ବନ୍ତ ପୁଲିସ ମାଡ଼ ମାରୁଥିବା ଭିଡିଓ ଭାଇରାଲ୍ ହେବା ପରେ ଜଣେ କନଷ୍ଟେବଳଙ୍କୁ ନିଲମ୍ବିତ କରାଯାଇଥିବା ଜଣାଯାଇଛି। ଉକ୍ତ ଯୁବକଙ୍କ ଉପରେ ମାତ୍ରାଧିକ ବଳ ପ୍ରୟୋଗ କରାଯାଇଥିବା ହେତୁ କନଷ୍ଟେବଳଙ୍କୁ ନିଲମ୍ବିତ କରାଯାଇଥିବା ଭଦ୍ରକ ଆରକ୍ଷୀ ଅଧୀକ୍ଷକ ଟୁଇଟ୍ କରି ଏହି ସୂଚନା ଦେଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ଅନ୍ୟପଟେ ଉକ୍ତ ଯୁବକଜଣକ ଜଣେ ମହିଳା କନଷ୍ଟେବଳଙ୍କୁ ଦୁର୍ବ୍ୟବ୍ୟହାର କରିଥିବା ନେଇ ବନ୍ତ ଥାନାରେ ଏକ ମାମଲା ରୁଜୁ କରାଯାଇଛି ଓ ସେଥିନେଇ ତଦନ୍ତ ଚାଲିଥିବାର ବି ସୂଚନ ମିଳିଛି। ମାଡ଼ ଖାଇଥିବା ଯୁବକଙ୍କ କଥା ଜାଣିବା ପରେ ଜଣେ ସାମାଜିକ କର୍ମୀ ଏନେଇ ଟୁଇଟ୍ କରି ପୁଲିସକୁ ସୂଚନା ଦେଇଥିଲେ। ଏହାପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଥିବା କୁହାଯାଉଛି।
ପୀଡ଼ିତ ଯୁବକଜଣକ ଭଦ୍ରକ ଜିଲ୍ଲାର ବନ୍ତ ଅଞ୍ଚଳର ବୋଲି ଜଣାଯାଇଛି। ଏହି ଘଟଣା କିଛି ଦିନ ତଳର ବୋଲି ଜଣାଯାଇଛି। କନଷ୍ଟେବଳଙ୍କର ଏଭଳି ପଦକ୍ଷେପକୁ ନିନ୍ଦା କରାଯାଇଛି।