ବଦଳି ପ୍ରତିବାଦରେ ଥାନାରେ ହଙ୍ଗାମା କଲେ କନେଷ୍ଟବଳ
ବିଂଝାରପୁର : ବିଂଝାରପୁର ଥାନା ପରିସରରେ ଗୁରୁବାର ଦିନ ଜଣେ କନେଷ୍ଟବଳ ଉନ୍ମତ୍ତ କାଣ୍ଡ ଭିଆଇବା ସ୍ଥାନୀୟ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି।
Sambad is now on WhatsApp
Join and get latest news updates delivered to you via WhatsApp
ପ୍ରକାଶ ଯେ, ବିଂଝାରପୁର ଥାନାର କନେଷ୍ଟବଳ ଯଯାତି କେଶରୀ ମଲିକ, ପୂର୍ଣ୍ଣଚନ୍ଦ୍ର ସାହୁ, ଦିବାକର ତରାଇ, ଜୟନ୍ତ କୁମାର ଦାସଙ୍କର ୨ ଦିନ ପୂର୍ବରୁ ଅନ୍ୟତ୍ର ବଦଳି ହୋଇଥିବା ନିର୍ଦେଶନାମା ପ୍ରକାଶ ପାଇଛି। ଏହି ବଦଳିକୁ କେନ୍ଦ୍ରକରି ଗୁରୁବାର ସନ୍ଧ୍ୟାରେ କନେଷ୍ଟବଳ ପୂର୍ଣ୍ଣଚନ୍ଦ୍ର ସାହୁ କିଛି ସ୍ଥାନୀୟ ଯୁବକଙ୍କୁ ସାଥୀରେ ନେଇ ଥାନା ପରିସରରେ ହୋହାଲ୍ଲା କରିଥିଲେ। ଥାନା ପରିସରରେ ଅଧିକାରୀଙ୍କ ସମେତ ଅନ୍ୟମାନଙ୍କୁ ଗାଳିଗୁଲଜ କରିଥିଲେ। ଖବରପାଇ ଏସଡିପିଓ ସରୋଜ କୁମାର ଉପାଧ୍ୟାୟ ପହଞ୍ଚି ପଚରାଉଚରା କରିବା ସହ କନେଷ୍ଟବଳ ଶ୍ରୀ ସାହୁଙ୍କୁ ଯାଜପୁର ନେଇଯାଇଥିଲେ। ସମ୍ପୃକ୍ତ କନେଷ୍ଟବଳଙ୍କ ସମେତ ଥାନା ଘେରାଉରେ ସାମିଲ ଥିବା ଅନ୍ୟମାନଙ୍କ ନାମରେ ମାମଲା ରୁଜୁହେବ ବୋଲି ଏସଡିପିଓ ଶ୍ରୀ ଉପାଧ୍ୟାୟ କହିଛନ୍ତି।