ରିଆମାଳ: ଲଘୁଚାପ ଜନିତ ବର୍ଷା ଯୋଗୁଁ ରିଆମାଳ ବ୍ଲକ୍ ନାଉଲିପଡା ପଞ୍ଚାୟତ ବାଲିଯୋରୀ ନାଳ ଉପରେ ନିର୍ମାଣଧୀନ ପୋଲରୁ ମାଟି ଧୋଇନେଇଛି। ଫଳରେ ଲୋକେ ଯିବାଆସିବାରେ ଅସୁବିଧାର ସମ୍ମୁଖୀନ ହେଉଛନ୍ତି। ଚଳିତ ବର୍ଷ ପଞ୍ଚାୟତ ପକ୍ଷରୁ ଏହି ଗ୍ରାମକୁ ରାସ୍ତା ସହ ପୋଲ ନିର୍ମାଣ କରାଯାଇଥିଲା।
Sambad is now on WhatsApp
Join and get latest news updates delivered to you via WhatsApp
ଏହି ନାଳର ଦୁଇ ଖଣ୍ଡିର ପ୍ରସ୍ତ ଯେତିକି ଅଛି ଏଠାରୁ ବଡ଼ ପୋଲ ନିର୍ମାଣ ହେବା କଥା। ମାତ୍ର ଛୋଟ ପୋଲ କରି ନିମ୍ନମାନର କାର୍ଯ୍ୟ ଯୋଗୁଁ ଏପରି ଅବସ୍ଥା ହୋଇଥିବା ଜନସାଧାରଣରେ ପ୍ରକାଶ ପାଉଛି। ଏହି ରାସ୍ତା ଉପରେ ଛୋଟ ବଡ଼ କିଛି ଗ୍ରାମର ୧୨୦ ରୁ ଅଧିକ ପରିବାର ନିର୍ଭର କରନ୍ତି। ପୋଲ ନିକଟରୁ ଧୋଇହୋଇ ଯାଇଥିବାରୁ ନେଇଥିବାରୁ ସେମାନଙ୍କୁ କଙ୍କରଖୋଳ ଦେଇ ଆହୁରି ୮/୯ କିମି ବୁଲିବାକୁ ପଡୁଛି। ତୁରନ୍ତ ଏହାରେ ଏକ ବଡ଼ପୋଲ ନିର୍ମାଣ ପାଇଁ ଦାବି ହେଉଛି।