ପାଟଣାରେ ପୁଣି କରୋନା ଆକ୍ରାନ୍ତ ଚିହ୍ନଟ
ପାଟଣା : ରାଜ୍ୟରେ ଦ୍ୱିତୀୟ କରୋନା ଲହର ମାଡ଼ିଥିବା ବେଳେ କେନ୍ଦୁଝର ଜିଲ୍ଲା ପାଟଣା ବ୍ଲକ ଅଞ୍ଚଳରେ ୩ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଏ ସମ୍ପର୍କରେ ପାଟଣା ଡାକ୍ତରଖାନାରେ କାର୍ଯ୍ୟରତ ଡାକ୍ତର ଚନ୍ଦ୍ରଭାନୁ ମହାନ୍ତ ଓ ବିପିଏମ ଦୀପକ କୁମାର ନାୟକ ୩ ଜଣ ଯୁବକ କରୋନା ଆକ୍ରାନ୍ତ ଚିହ୍ନଟ ହୋଇଥିବା ପ୍ରକାଶ କରିଛନ୍ତି। ଏହି ୩ ଜଣଙ୍କ ମଧ୍ୟରୁ ୨ ଜଣ କଲେଜ ଛାତ୍ର ବୋଲି ଜଣାପଡ଼ିଛି। ସେମାନେ ବାହାରେ ରହି ପାଠ ପଢୁଥିଲେ। ଘରକୁ ଆସିବା ପରେ ଗତ ୧ ତାରିଖରେ ପରୀକ୍ଷା ପାଇଁ ରକ୍ତ ନମୁନା ଯାଇଥିଲା।
Sambad is now on WhatsApp
Join and get latest news updates delivered to you via WhatsApp
ଗତକାଲି କରୋନା ଆକ୍ରାନ୍ତ ଥିବା ରିପୋର୍ଟ ହୋଇଥିଲା। ସେମାନଙ୍କୁ ହୋମ ଆଇସୋଲେସନରେ ରହିବାକୁ ସ୍ବାସ୍ଥ୍ୟ ବିଭାଗ ପକ୍ଷରୁ ପରାମର୍ଶ ଦିଆଯାଇଛି। ଏହି ୩ ଜଣ ହେଲେ ପାଟଣା ପଞ୍ଚାୟତରୁ ଜଣେ ୧୭ ବର୍ଷୀୟ ଯୁବକ, ମୂଷାଖୋରୀ ପଞ୍ଚାୟତରୁ ଜଣେ ୧୮ ବର୍ଷୀୟ ଯୁବକ ଓ ବୁଢ଼ିକାପୁଡି ପଞ୍ଚାୟତରୁ ଜଣେ ୩୭ ବର୍ଷୀୟ ଯୁବକ ବୋଲି କୁହାଯାଇଛି। ପାଟଣା ବ୍ଲକ ବହୁ କରୋନା ଆକ୍ରାନ୍ତ ହୋଇଥିଲାବେଳେ ୩/୪ ମାସ ଧରି ଆକ୍ରାନ୍ତ ଚିହ୍ନଟ ହୋଇ ନ ଥିଲେ। ଏବେ କରୋନାର ନୂଆ ଟ୍ରେଣ୍ଡରେ ପୁଣି ଆକ୍ରାନ୍ତ ଚିହ୍ନଟ ହେଉଥିବାରୁ ଲୋକେ ଆଶଙ୍କିତ ହୋଇପଡିଛନ୍ତି।