ପଶ୍ଚିମ ଓଡ଼ିଶାରେ ବଢ଼ୁଛି କରୋନା ସଂକ୍ରମଣ, ୪ ଜିଲ୍ଲାକୁ ଗଲେ ୩୬ ପିଜି ଡାକ୍ତର
ଭୁବନେଶ୍ବର : ରାଜ୍ୟରେ ବଢ଼ୁଥିବା କରୋନା ସଂକ୍ରମଣକୁ ଦେଖି ରାଜ୍ୟ ସରକାର ଆଗୁଆ ପ୍ରସ୍ତୁତି ଆରମ୍ଭ କରିଛନ୍ତି। ପଶ୍ଚିମ ଓଡ଼ିଶାର ୪ ଜିଲ୍ଲାକୁ ୩୬ଜଣ ପିଜି ଡାକ୍ତରଙ୍କୁ ପଠାଯାଇଛି। ଏସ୍ସିବି, ଭିମସାରରେ ଏହି ସବୁ ଡାକ୍ତର ପୂର୍ବରୁ ନିୟୋଜିତ ହୋଇଥିଲେ। ଏବେ ସେମାନଙ୍କୁ ମାଲକାନିଗିରି, ନବରଙ୍ଗପୁର, କଳାହାଣ୍ଡି ଓ ନୂଆପଡ଼ା ଜିଲ୍ଲାରେ କୋଭିଡ କାର୍ଯ୍ୟରେ ନିୟୋଜିତ କରାଯାଇଛି। ଆଜି ଏ ସଂକ୍ରାନ୍ତରେ ସ୍ବାସ୍ଥ୍ୟ ବିଭାଗ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି। ପୂର୍ବରୁ ମଧ୍ୟ ରାଜ୍ୟ ସରକାର ପିଜି ଡାକ୍ତରମାନଙ୍କୁ କୋଭିଡ ଡ୍ୟୁଟିରେ ନିୟୋଜିତ କରିଥିଲେ। ମାତ୍ର କୋଭିଡ ସଂକ୍ରମଣ କମିବା ପରେ ସେମାନଙ୍କୁ ନିଜ ନିଜର ପୂର୍ବ ସ୍ଥାନକୁ ଫେରାଇ ନିଆଯାଇଥିଲା।