କରୋନା ଟିକା ନେଇଥିଲେ ବି ୩୧ ହଜାର ୭୧୨ ଜଣ ସଂକ୍ରମିତ
ରାଜ୍ୟରେ ୨କୋଟି ଅତିକ୍ରମ କଲା ଟିକାକରଣ
ଭୁବନେଶ୍ୱର: ଟିକା ନେଇକି ମଧ୍ୟ କରୋନାରେ ସଂକ୍ରମିତ। ରାଜ୍ୟରେ ଟିକା ନେବା ପରେ ୩୧ ହଜାର ୭୧୨ ଜଣ କରୋନାରେ ସଂକ୍ରମିତ ହୋଇଛନ୍ତି। ପ୍ରଥମ ଡ଼ୋଜ ଟିକା ନେବା ପରେ ୧୭ ହଜାର ୮୨୪ ଜଣ ସଂକ୍ରମିତ ହୋଇଛନ୍ତି। ସେହିପରି ୧୩ ହଜାର ୮୮୮ ଜଣ ଦ୍ୱିତୀୟ ଡ଼ୋଜ ଟିକା ନେବା ପରେ ସଂକ୍ରମିତ ହୋଇଛନ୍ତି। ଏନେଇ ସ୍ୱାସ୍ଥ୍ୟ ବିଭାଗ ସୂଚନା ଦେଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ଅନ୍ୟପଟରେ ରାଜ୍ୟରେ ଟିକାକରଣ ଆଉ ଏକ ମାଇଲଖୁଂଟ ଅତିକ୍ରମ କରିଛି । ରାଜ୍ୟରେ ୨କୋଟି ଅତିକ୍ରମ କରିଛି ଟିକାକରଣ। ଏଯାଏଁ ରାଜ୍ୟରେ ମୋଟ ୨କୋଟି ୨୧ହଜାର ୮୧୪ଟି କୋଭିଡ ଟିକାର ଡୋଜ ଦିଆଯାଇଛି। ଏଥିରୁ ୧କୋଟି ୫୩ଲକ୍ଷ ୮୭ହଜାର ୫୭୨ପ୍ରଥମ ଡୋଜ ଦିଆଯାଇଥିବା ବେଳେ ୪୬ଲକ୍ଷ ୩୪ହଜାର ୨୪୨ଟି ଦ୍ୱିତୀୟ ଡୋଜ ଦିଆଯାଇଛି। ରାଜ୍ୟରେ ୫୦ପ୍ରତିଶତ ପ୍ରଥମ ଡୋଜ ଦିଆଯାଇଛି।
ରାଜ୍ୟରେ ଏପର୍ଯ୍ୟନ୍ତ ମୋଟ୍ ୧ କୋଟି ୭୨ ଲକ୍ଷ ୮ ହଜାର ୨୪୮ ଜଣଙ୍କର କୋଭିଡ୍ ନମୁନା ପରୀକ୍ଷା ହୋଇଛି। ଏଥିରୁ ୯ ଲକ୍ଷ ୯୭ ହଜାର ୧୪୬ ଜଣ ପଜିଟିଭ୍ ଚିହ୍ନଟ ହୋଇଥିବା ବେଳେ ୯ ଲକ୍ଷ ୮୦ ହଜାର ୪୭୧ ଜଣ ସୁସ୍ଥ ହୋଇଛନ୍ତି। ଏବେ ରାଜ୍ୟରେ ୯୫୩୬ ଜଣ କରୋନା ଆକ୍ରାନ୍ତ ସକ୍ରିୟ ଅଛନ୍ତି।