ବଢୁଛି କରୋନା ସଂକ୍ରମଣ, କେମିତି ହେବ ନିର୍ବାଚନ? ଆସିଲା ନେତାଙ୍କ ଭିନ୍ନମତ: ଜାଣନ୍ତୁ କିଏ କଣ କହିଲେ
ଭୁବନେଶ୍ବର: ଉଭୟ ଦେଶ ଏବଂ ରାଜ୍ୟରେ କରୋନା ସଂକ୍ରମଣ ବଢିବାରେ ଲାଗିଛି । ଏପରି ସ୍ଥିତିରେ ୫ ରାଜ୍ୟର ବିଧାନସଭା ନିର୍ବାଚନ ଏବଂ ଓଡିଶାରେ ପଂଚାୟତ ନିର୍ବାଚନ କେମିତି ହେବ ସେ ନେଇ ଭିନ୍ନ ମତ ପ୍ରକାଶ ପାଇଛି । ବିଜେଡି ନେତ୍ରା ପ୍ରମିଳା ମଲିକ କହିଛନ୍ତି, ଉତ୍ତର ପ୍ରଦେଶରେ ସଂକ୍ରମଣ ବଢୁଛି । ତେଣୁ ଆଗ ଉତ୍ତର ପ୍ରଦେଶରେ ନିର୍ବାଚନ ବନ୍ଦ ହେଉ । ପରେ ଓଡିଶାର କଥା ହେବା ।
Sambad is now on WhatsApp
Join and get latest news updates delivered to you via WhatsApp
ସେହିପରି ବିଜେପି ନେତା ଖାରବେଳ ସ୍ୱାଇଁ କହିଛନ୍ତି, ସଂକ୍ରମଣ ଅଧିକ ବଢୁଛି। ତେଣୁ ସାମୟିକ ଭାବେ କିଛି ମାସ ପାଇଁ ପଞ୍ଚାୟତ ଓ ବିଧାନସଭା ନିର୍ବାଚନ ବନ୍ଦ ହେଉ । କାରଣ କରୋନା ନିୟମ ଲାଗୁ ହେଲେ ବି କେହି ଏହାକୁ ମାନିବେ ନାହିଁ । କଂଗ୍ରେସ ନେତା ପଞ୍ଚାନନ କାନୁନଗୋ କହିଛନ୍ତି, ଦ୍ୱିତୀୟ ଲହର ବେଳେ ସଂକ୍ରମଣ ଅଧିକ ବ୍ୟାପିଥିଲା । ଏହି ସମୟରେ ପଶ୍ଚିମବଙ୍ଗ ନିର୍ବାଚନ ହୋଇଥିଲା । ସେତେବେଳେ କେହି କରୋନା ନିୟମ ମାନୁନଥିଲେ ।
ଏବେ ୟୁପିରେ ବିଧାନସଭା ନିର୍ବାଚନ ପାଇଁ ବଡ ବଡ ରାଲି ହେଉଛି । ଆଉ ଓଡିଶାରେ ମଧ୍ୟ ପଂଚାୟତ ନିର୍ବାଚନ ପାଇଁ ବଡ ସମାବେଶ ହେଉଛି । ତେଣୁ ସାମୟିକ ଭାବେ ନିର୍ବାଚନ ବନ୍ଦ ହେଉ । ସେହିପରି ସ୍ୱାସ୍ଥ୍ୟ ବିଶେଷଜ୍ଞ ଡାକ୍ତର ନିରୋଜ ମିଶ୍ର କହିଛନ୍ତି, ନିର୍ବାଚନ ହେଳେ ହାଇ ରିସ୍କ ରହିବ ସଂକ୍ରମଣ । ତେଣୁ ନିର୍ବାଚନ ୨ ମାସ ଘୁଂଚାଇବା ଦରକାର ।