ସାମାଜିକ ଦୂରତା ରକ୍ଷା: ହୋଟେଲ ଓ କ୍ୟାଣ୍ଟିନ୍ ବନ୍ଦ କଲେ ସରକାର
କରୋନା ସ୍ଥିତିର ମୁକାବିଲା ପାଇଁ ସାମାଜିକ ଦୂରତା ରକ୍ଷା ପାଇଁ ଆଜି ପୁଣି ଥରେ ସରକାର କଡ଼ାକଡ଼ି କରିଛନ୍ତି ନିୟମ। ସହରାଞ୍ଚଳରେ ହୋଟେଲ, କ୍ୟାଣ୍ଟିନ୍, ରେସ୍ତୋରାଁ, କଫି ଦୋକାନ, ବାର୍ ଓ ଭୋଜନାଳୟ ବନ୍ଦ କରିବାକୁ ସାଧାରଣ ପ୍ରଶାସନ ବିଭାଗ ପକ୍ଷରୁ ନିର୍ଦ୍ଦେଶନାମା ଜାରି କରାଯାଇଛି। ଏହି ନିର୍ଦ୍ଦେଶନାମା ଅସ୍ଥାୟୀ ଭାବେ ଜାରି କରାଯାଇଥିବା ସରକାର କହିଛନ୍ତି।
Sambad is now on WhatsApp
Join and get latest news updates delivered to you via WhatsApp
ବନ୍ଦ ରହିବ ସମସ୍ତ ପ୍ରକାର ଭୋଜନାଳୟ ଓ ବାର୍
କରୋନା ପାଇଁ ହୋଟେଲ, ରେସ୍ତୋରାଁ, ବାର୍, କଫି ଦୋକାନ ବନ୍ଦ ରହିବ।
ଏହା ସହିତ କର୍ମଚାରୀଙ୍କ ପାଇଁ ଉଦ୍ଦିଷ୍ଟ କ୍ୟାଣ୍ଟିନ୍ ବନ୍ଦ ରହିବ।
ହୋଟେଲ ନ ଆସିବାକୁ ମାଲିକମାନେ ଗ୍ରାହକଙ୍କୁ ପ୍ରବର୍ତ୍ତାଇବାକୁ ପରାମର୍ଶ।
ନିଜସ୍ବ ରେସ୍ତୋରାଁ ଥିବା ବଡ଼ ହୋଟେଲରେ ପ୍ରତି ଗ୍ରାହକଙ୍କ ଭିତରେ ଅନ୍ୟୂନ ୨ ମିଟର ବ୍ୟବଧାନ ରହିବ।
ଟାକ୍ସି ଓ ଅଟୋରିକ୍ସା ପାଇଁ ସତର୍କତା
ସମସ୍ତ ସାର୍ବଜନୀନ ପରିବହନ ଯାନଗୁଡ଼ିକ ଉପରେ ନଜର ରହିବ।
ପୌରାଞ୍ଚଳରେ ଭଡ଼ାରେ ଚାଲୁଥିବା ଟାକ୍ସି ଓ ଅଟୋରିକ୍ସାଗୁଡ଼ିକ ଗୋଟିଏ ଦିନ ଅନ୍ତରରେ ଚଳପ୍ରଚଳ କରିବେ।
ହାଟ, ବଜାର ପାଇଁ ନିର୍ଦ୍ଦେଶାବଳୀ
ସମସ୍ତ ବଜାର, ସପିଂ କମ୍ପ୍ଲେକ୍ସ ଓ ହାଟଗୁଡ଼ିକରେ କେବଳ ଖାଦ୍ୟ ସାମଗ୍ରୀ ବିକ୍ରି ହେବ।
ଏଗୁଡ଼ିକରେ ପନିପରିବା, ତେଜରାତି, ମାଂସ, କୁକୁଡ଼ା ମାଂସ, ମାଛ, ଅଣ୍ଡା ଓ ଅନ୍ୟାନ୍ୟ ଅତ୍ୟାବଶ୍ୟକ ସାମଗ୍ରୀ ବିକ୍ରି ହେବ।
କୌଣସି ବି ପରିସ୍ଥିତିରେ ଗୋଟିଏ ସ୍ଥାନରେ ୭ ଜଣଙ୍କଠାରୁ ଅଧିକ ଲୋକଙ୍କୁ ଏକାଠି ହେବାକୁ ଦିଆଯିବନି।
ସାଧାରଣ ସଭା ସମ୍ପୂର୍ଣ୍ଣ ନିଷିଦ୍ଧ
କୌଣସି ସରକାରୀ ଅଫିସରେ ସଭାସମିତି କରିବାକୁ ଅନୁମତି ଦିଆଯିବନି।
ଅତି ଜରୁରୀ ପରିସ୍ଥିତିରେ ସଭା ଆୟୋଜନ କରିବାକୁ ପଡ଼ିଲେ ପରସ୍ପର ବ୍ୟକ୍ତିଙ୍କ ଭିତରେ ୨ ମିଟର ବ୍ୟବଧାନ ରହିବା ଭଳି ବ୍ୟବସ୍ଥା କରାଯିବ।
କ୍ୟାବିନେଟ୍, ଅନ୍ତଃମନ୍ତ୍ରୀସ୍ତରୀୟ ବୈଠକ ଭିଡିଓ କନ୍ଫରେନ୍ସିଂ ଜରିଆରେ କରାଯିବ।
କୌଣସି ପ୍ରତିମୂର୍ତ୍ତିରେ ମାଲ୍ୟାର୍ପଣ କରିବା ସମ୍ପୂର୍ଣ୍ଣ ନିଷେଧ କରାଯାଇଛି।