ଓଡ଼ିଶାରେ କିଭଳି ଅଛି କରୋନା ସ୍ଥିତି ସୂଚନା ଦେଲେ ସ୍ୱାସ୍ଥ୍ୟ ସଚିବ
ଭୁବନେଶ୍ୱର: ଓଡ଼ିଶାରେ କରୋନା ସ୍ଥିତି କିଭଳି ରହିଛି ତାହାକୁ ନେଇ ଆଜି ବିସ୍ତୃତ ସୂଚନା ଦେଇଛନ୍ତି ସ୍ୱାସ୍ଥ୍ୟ ସଚିବ ନିକୁଞ୍ଜ ଧଳ | ଶ୍ରୀ ଧଳ କହିଛନ୍ତି ଯେ ୧୬ ନମୂନାରୁ ୧୪ଟି ନମୂନା ନେଗେଟିଭ ରହିଛି | ସେହିପରି କରୋନା ୧୧୦ରୁ ଉର୍ଦ୍ଧ୍ବ ଦେଶକୁ ବ୍ୟାପିଛି | ସମୁଦାୟ ୧ ଲକ୍ଷ ୨୧ ହଜାର ଲୋକ କରୋନାରେ ପୀଡିତ ଥିବାବେଳେ ୪୩୬୫ ଜଣଙ୍କ ମୃତ୍ୟୁ ହୋଇଛି | ଭାରତରେ ୬୦ ଜଣ କରୋନା ଭୁତାଣୁରେ ସଂକ୍ରମିତ ହୋଇଛି | ୭ଟି ରାଜ୍ୟ ଓ ୩ଟି କେନ୍ଦ୍ର ଶାସିତ ଅଂଚଳର ୬୦ ଜଣ ଲୋକ ସଂକ୍ରମିତ ହୋଇଥିବାବେଳେ ଏହି ସବୁ ରାଜ୍ୟ ହେଉଛି ରାଜସ୍ଥାନ, ଉତ୍ତରପ୍ରଦେଶ, ତାମିଲନାଡୁ, ମହାରଷ୍ଟ୍ର, ତେଲେଙ୍ଗାନା, କେରଳ ଓ କର୍ଣ୍ଣାଟକ |
Sambad is now on WhatsApp
Join and get latest news updates delivered to you via WhatsApp
ଚୀନ ଛଡା ଇଟାଲୀ, ଇରାନ, ଦକ୍ଷିଣ କୋରିଆ, ସ୍ପେନ, ଫ୍ରାନ୍ସ, ଜର୍ମାନୀ, ସ୍ୱିଜରଲାଣ୍ଡ, ଜାପାନ, ଯୁକ୍ତରାଜ୍ୟ, ସିଙ୍ଗାପୁର, ମାଲେସିଆ ଦେଶରେ କରୋନା ଭୁତାଣୁର ଅଧିକ ସଂଖ୍ୟକ ଆକ୍ରାନ୍ତ ଥିବାର ସ୍ୱାସ୍ଥ୍ୟ ସଚିବ କହିଛନ୍ତି | ଓଡ଼ିଶାରେ ଯାହାର କରୋନା ସଂକ୍ରମଣର ଆଶଙ୍କା ରହୁଛି ସେମାନଙ୍କ ରକ୍ତ ନମୁନାକୁ ତୁରନ୍ତ ଆରଏମଆରସିକୁ ପଠାଯାଉଛି |
ପୂର୍ବରୁ ପୁନେ ଓ କୋଲକାତାକୁ ପଠାଯାଉଥିବାବେଳେ ୩ରୁ ୪ ଦିନ ସମୟ ଲାଗୁଥିଲା | କିନ୍ତୁ ବର୍ତ୍ତମାନ ଭୁବନେଶ୍ୱରରେ ପରୀକ୍ଷା ହେଉଥିବାରୁ ସେହିଦିନ ହିଁ ରିପୋର୍ଟ ମିଳିପାରୁଛି | ଏହା ଛଡା ଯେଉଁ ମାନେ ବିଦେଶରୁ ଓଡିଶାକୁ ଆସୁଛନ୍ତି ସେମାନଙ୍କ ବାବଦରେ ତଥ୍ୟ ଭାରତ ସରକାର ରାଜ୍ୟ ସରକାରଙ୍କୁ ଦେଉଛନ୍ତି |