‘ବାସ୍ ଆଉ କିଛି ଦିନର ଅପେକ୍ଷା, ଏ ମହାମାରୀ ବି ଚାଲିଯିବ’; କହିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ
ଶକ୍ତି ସଞ୍ଚାର ପାଇଁ ଜାରି ହେଲା ଭିଡିଓ କ୍ଲିପ୍
ଭୁବନେଶ୍ୱର: ଓଡ଼ିଆ ଜାତି ଏକ ମହାନ ଜାତି। ଏ ଜାତିର ଅତୀତର ଗାଥା ଯେତିକି ଏତିହ୍ୟ ସଂପନ୍ନ; ବୀରତ୍ୱର ଗାଥା ସେତିକି ମହାନ୍। ଅତୀତରେ ବହୁ ପ୍ରାକୃତିକ ବିପର୍ଯ୍ୟୟ ଆମକୁ ହରେଇବାକୁ ଆସିଛି। ହେଲେ ଏ ଜାତି କେବେ ଭାଙ୍ଗି ପଡିନି କି ଭାଙ୍ଗିବ ନାହିଁ। ଇତିହାସ ଏହାର ସାକ୍ଷୀ ବୋଲି କହିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ।
Sambad is now on WhatsApp
Join and get latest news updates delivered to you via WhatsApp
କେତେ ପ୍ରାକୃତିକ ବିପର୍ଯ୍ୟୟ ଆମକୁ ହରେଇବାକୁ ଆସିଛି। ହେଲେ ଏ ଜାତି କେବେ ଭାଙ୍ଗି ପଡିନି କି ଭାଙ୍ଗିବ ନାହିଁ। ବାସ୍ ଆଉ କିଛି ଦିନର ଅପେକ୍ଷା, ଏ ମହାମାରୀ ବି ଚାଲିଯିବ। ପୁଣି ଫେରିବ ସେ ଖୁସିର ଦିନ। ଆମ ଧୈର୍ଯ୍ୟ, ଆମ ତ୍ୟାଗ ବଳରେ ଆସିବ ଏକ ନୂଆ ସକାଳ। ପୁଣି ହସିବ ଓଡ଼ିଶା। #ଜୟଜଗନ୍ନାଥ 🙏 pic.twitter.com/CZyDcF7lFw
— Naveen Patnaik (@Naveen_Odisha) April 27, 2020
ସେହିପରି ଏବେ ଆସିଛି କରୋନା। କିନ୍ତୁ କରୋନା ବି ଆମ କିଛି ହେଲେ ବିଗାଡ଼ି ପାରିବ ନାହିଁ। ବାସ୍ ଆଉ କିଛି ଦିନର ଅପେକ୍ଷା, ଏ ମହାମାରୀ ବି ଓଡ଼ିଶାବାସୀଙ୍କ ତ୍ୟାଗ ଓ ଏକତା ଆଗରେ ମୁଣ୍ଡ ନୁଆଁଇ ଚାଲିଯିବ। ପୁଣି ଫେରିବ ସେ ଖୁସିର ଦିନ। ଆମ ଧୈର୍ଯ୍ୟ, ଆମ ତ୍ୟାଗ ବଳରେ ଆସିବ ଏକ ନୂଆ ସକାଳ। ପୁଣି ହସିବ ଓଡ଼ିଶା। ଖାଲି ଆଉ କିଛି ଦିନର ଅପେକ୍ଷା। ଏଥିପାଇଁ ଘରେ ରୁହନ୍ତୁ ଓ ସୁସ୍ଥ ରୁହନ୍ତୁ ବୋଲି ମୁଖ୍ୟମନ୍ତ୍ରୀ ଶ୍ରୀ ପଟ୍ଟନାୟକ ପରାମର୍ଶ ଦେଇଛନ୍ତି।
ଏହି ଉଦ୍ଦେଶ୍ୟରେ ଏ ଘଡ଼ିସନ୍ଧି ଓ ଆହ୍ଵନପୂର୍ଣ୍ଣ ସମୟରେ ରାଜ୍ୟବାସୀଙ୍କ ମଧ୍ୟରେ ନୂତନ ଶକ୍ତି ସଞ୍ଚାର ପାଇଁ ମଧ୍ୟ ରାଜ୍ୟ ସରକାରଙ୍କର ସୂଚନା ଲୋକ ସଂପର୍କ ବିଭାଗ ପକ୍ଷରୁ ଏକ ନୂତନ ଭିଡିଓ କ୍ଲିପ୍ ପ୍ରସ୍ତୁତ କରାଯିବା ସହ ଆଜି ଏହାକୁ ଉନ୍ମୋଚନ କରାଯାଇଛି।