ମୟୂରଭଞ୍ଜରେ ବଢ଼ୁଛି କରୋନାଜନିତ ମୃତ୍ୟୁ ସଂଖ୍ୟା, ନୂଆ ୧୫୨ ଆକ୍ରାନ୍ତ ଚିହ୍ନଟ
ସଂକ୍ରମିତଙ୍କ ସଂଖ୍ୟା ସାଢ଼େ ୬ ହଜାର ପାର, ଶୀର୍ଷରେ ବାରିପଦାରେ ସଂକ୍ରମଣ
ବାରିପଦା: ମୟୂରଭଞ୍ଜରେ ବଢ଼ୁଛି କରୋନାଜନିତ ମୃତ୍ୟୁସଂଖ୍ୟା। ଆଜି ପୁଣିଜଣେ ୮୦ ବର୍ଷୀୟା ବୃଦ୍ଧାଙ୍କ ମୃତ୍ୟୁ ପରେ ମୋଟ ମୃତ୍ୟୁସଂଖ୍ୟା ୧୭କୁ ବୃଦ୍ଧି ପାଇଛି । ମାତ୍ର ମିଳିଥିବା ସୂଚନା ଅନୁସାରେ ଜିଲ୍ଲାରେ ପ୍ରତିଦିନ କରୋନାଜନିତ ମୃତ୍ୟୁ ସୂଚନା ଆସୁଛି। ଆଜି ପୁଣି ଜିଲ୍ଲାରୁ ୧୫୨ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ସରକାରୀ ସଙ୍ଗରୋଧ କେନ୍ଦ୍ରରୁ ମାତ୍ର ୨ଜଣ ଥିବାବେଳେ ସ୍ଥାନୀୟ ସଂସ୍ପର୍ଶରୁ ୧୪୨ ଏବଂ ଭୁବନେଶ୍ୱର ଓ କଟକଠାରେ ଜିଲ୍ଲାରୁ ଚିହ୍ନଟ ହୋଇଥିବା ୮ ଜଣଙ୍କୁ ମିଶାଇ ମୋଟ ୧୫୨ ନୂଆ କରୋନା ପଜିଟିଭ ଚିହ୍ନଟ ହୋଇଛନ୍ତି। ଏଥିସହିତ ଆକ୍ରାନ୍ତଙ୍କ ସଂଖ୍ୟା ୬ ହଜାର ୫୮୮କୁ ବୃଦ୍ଧି ପାଇଛି । ତେବେ ଜିଲ୍ଲାରେ ଆଜି ବାରିପଦା ପୌରପରିଷଦରୁ ମଧ୍ୟ ସର୍ବାଧିକ ୬୯ ଜଣ କରୋନା ସଂକ୍ରମିତ ହୋଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ବାରିପଦା ପୌରପରିଷଦରେ ସଂକ୍ରମଣ ଶୀର୍ଷରେ ଥିବା ସ୍ପଷ୍ଟ ହୋଇଛି। ଚଳିତ ସେପ୍ଟେମ୍ବର ମାସରେ ଆଜିସୁଦ୍ଧା ବାରିପଦା ପୌରପରିଷଦରୁ ୭୬୬ଜଣ ଆକ୍ରାନ୍ତ ଚିହ୍ନଟ ହୋଇସାରିଲେଣି। ସେହିପରି ବାରିପଦା, ବହଳଦା, ଜାମଦା, ରାସଗୋବିନ୍ଦପୁର, ଶ୍ୟାମାଖୁଣ୍ଟା, ଶୁକୃଳି, ଶୁଳିଆପଦା, ରରୁଁଆ ବ୍ଲକ୍, ଉଦଳା ଏନଏସି ଓ ରାଇରଙ୍ଗପୁର ପୌରପରିଷଦରୁ ଜଣେ ଲେଖାଏଁ ଚିହ୍ନଟ ହୋଇଛନ୍ତି। ସେହିପରି ବଡ଼ସାହି ଓ କୁଳିଅଣାରୁ ୬, ବାଙ୍ଗିରିପୋଷି ଓ ଯଶୀପୁର, କୁସୁମୀ, ଖୁଣ୍ଟା ବ୍ଲକ୍ ଓ କରଞ୍ଜିଆ ଏନଏସିରୁ ୨, ବେତନଟୀରୁ ୧୩, ବିଜାତଳା, ମୋରଡ଼ା, ରାଇରଙ୍ଗପୁର ଓ କରଞ୍ଜିଆରୁ ୩, ବିଶୋଇ ଓ ଗୋପବନ୍ଧୁନଗର ଓ କପ୍ତିପଦାରୁ ୫ ଲେଖାଏଁ, ଉଦଳା ବ୍ଲକରୁ ୪ ଜଣ ଲେଖାଏଁ ସଂକ୍ରମିତ ହୋଇଛନ୍ତି। ଏଥିସହିତ ଗତକାଲି ସୁଦ୍ଧା ଜିଲ୍ଲାରେ ସୁସ୍ଥ ସଂଖ୍ୟା ୫ ହଜାର ୨୯୫ ଓ ଆଜି ପର୍ଯ୍ୟନ୍ତ ସକ୍ରିୟ ସଂଖ୍ୟା ୧ ହଜାର ୨୭୬ ରହିଛି ।