ଭୁବନେଶ୍ୱର: କରୋନାର ମୁକାବିଲା ଲାଗି ରାଜ୍ୟ ସରକାର ଅଧିକ କଠୋର ହୋଇଛନ୍ତି । ଏଥିଲାଗି ରାଜ୍ୟ ସରକାର କଡ଼ା କଟକଣା ଜାରି କରିଛନ୍ତି । ଏନେଇ ଆଜି ମୁଖ୍ୟ ଶାସନ ସଚିବ ଅସିତ ତ୍ରିପାଠୀ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି । ଏଣିକି ଛେପ ପକାଇଲେ ଓ ମାସ୍କ ନ ପିନ୍ଧିଲେ ମୋଟା ଅଙ୍କର ତଣ୍ଡ ଗଣିବାକୁ ପଡ଼ିବ । ମାସ୍କ ନପିନ୍ଧି ପ୍ରଥମ ଥର ଧରା ନପଡ଼ିଲେ ୫୦୦ଟଙ୍କା, ଦ୍ୱିତୀୟ ଥର ଧରାପଡ଼ିଳେ ସେହି ୫୦୦ ଟଙ୍କା ଓ ତୃତୀୟ ଥର ବିନା ମାସ୍କରେ ଧରାପଡ଼ିଲେ୧୦୦୦ ଟଙ୍କା ତଣ୍ଡ ଗଣିବାକୁ ପଡ଼ିବ । ସେହିପରି ସର୍ବସାଧାରଣ ସ୍ଥାନରେ ଛେପ ପକାଇଲେ ପ୍ରଥମ ଦୁଇ ଥର ଲାଗି ୫୦୦ଟଙ୍କା ତୃତୀୟ ଥର ଠାରୁ ୧୦୦୦ଟଙ୍କା ଜରିମାନା ଦେବାକୁ ପଡ଼ିବ।
Sambad is now on WhatsApp
Join and get latest news updates delivered to you via WhatsApp
ରାଜ୍ୟ ପାଇଁ ଜୁନ୍ ମାସ ସବୁଠାରୁ ଗୁରୁତ୍ୱପୂର୍ଣ୍ଣ । ଦେଶରେ ଅନଲକ୍ ୧ ଘୋଷଣା ପରେ ରାଜ୍ୟରେ ଗତ କିଛି ଦିନରେ ଲୋକଙ୍କର ଖାମଖିଆଲ ମନୋଭାବ ବଢ଼ିଯାଇଛି । ସଂକ୍ରମଣ ବଢ଼ୁଥିବା ସତ୍ତ୍ୱେ ଚେତୁ ନାହାନ୍ତି ଲୋକେ । ଆଉ ଏହାକୁ ଦୃଷ୍ଟିରେ ରଖି କଟକଣାକୁ କଡ଼ାକଡ଼ି କରାଯିବ ବୋଲି କହିଛନ୍ତି ଡିଜିପି ।
ତେବେ କରୋନା ମୁକାବିଲା ପାଇଁ ହୋଇଥିବା ନିୟମ ନମାନିଲେ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଡିଜିପି କହିଛନ୍ତି । ଆବଶ୍ୟକ ହେଲେ ଫାଇନ୍ ଆଦାୟ ହେବ, ଗିରଫ କରାଯିବ । ଘରୁ ବାହାରିଲେ ୨ ମିଟର ଦୂରତ୍ୱ ବଜାୟ ଉପରେ ସେ ଅଧିକ ଗୁରୁତ୍ୱାରୋପ କରିଛନ୍ତି । ସର୍ବସାଧାରଣରେ ସାମାଜିିକ ଦୂରତ୍ୱ ବଜାୟ ରଖିବା ଅନିବାର୍ଯ୍ୟ। ରାଜ୍ୟରେ ଆଗରୁ ଲାଗୁ ହୋଇଥିବା ରାତ୍ରି କାଳିନ କର୍ଫ୍ୟୁ ଜାରି ରହିବ। ପୂର୍ବ ଭଳି ରାତି ୭ଟାରୁ ସକାଳ ୭ଟା ଯାଏଁ କର୍ଫ୍ୟୁ ଜାରି ରହିବ ବୋଲି ପୁଲିସ ମହାନିର୍ଦେଶକ ଅଭୟ କୁମାର ।