ଗାଡ଼ି ସହ କଫ୍ସିରପ୍ ଜବତ; ଦୁଇ ଗିରଫ, ମୁଖ୍ୟ ଅଭିଯୁକ୍ତ ଫେରାର
ବେଲପଡ଼ା : ବେଲପଡ଼ା ଥାନା ଅନ୍ତର୍ଗତ କପାଣି ଗାଁରୁ ପୁଲିସ ଏକ ଚାରିଚକିଆ ଗାଡ଼ି ସହ ୧୨ଶହ ବୋତଲ କଫ୍ସିରପ୍ ଜବତ କରିଛି। ଏହି ମାମଲାରେ କପାଣିର ଗାଡ଼ି ମାଲିକ ଅର୍ଜୁନ ବେହେରା ଓ ଚାଳକ କାର୍ତ୍ତିକ ହଂସଙ୍କୁ ଗିରଫ କରିଛି। ହେଲେ ମୁଖ୍ୟ ଅଭିଯୁକ୍ତ କପାଣି ଗାଁର ନୀଳ ମେହେର ଓରଫ ହାଡ଼ୁ ଫେରାର ହୋଇଯାଇଛି।
Sambad is now on WhatsApp
Join and get latest news updates delivered to you via WhatsApp
ପୁଲିସ ସୂତ୍ରରୁ ପ୍ରକାଶ ଯେ, ଏକ ଚାରିଚକିଆ ଗାଡ଼ି (ଓଡି ୦୩ ଆର୍ ୫୩୨୫)ରେ ବେଆଇନ ଭାବେ କୋରେକ୍ସ ଚାଲାଣ ହେଉଥିବା ସୂଚନା ମିଳିଥିଲା। ବେଲପଡ଼ା ଥାନା ଓ ପାଟଣାଗଡ଼ ଥାନା ପୁଲିସ ମିଳିତ ଭାବେ ଉକ୍ତ ଗାଡ଼ିକୁ ପିଛା କରିଥିଲେ। ଗାଡ଼ିଟି ପାଟଣାଗଡ଼-ବିନ୍ଧନପଦର ରାସ୍ତାରେ ଆସୁଥିବା ବେଲପଡ଼ା ପୁଲିସ ପିଛା କରିଥିଲା। ହେଲେ ଗାଡ଼ିଟି ପୁଲିସକୁ ଚକମା ଦେଇ ଅନ୍ୟ ରାସ୍ତାରେ ଫେରାର ହୋଇଥିଲା। କିଛି ସମୟ ପରେ ଗାଡ଼ିଟିକୁ କପାଣି ଗାଁ ବସ୍ତିରେ ଠାବ କରାଯାଇଥିଲା।