ସୁବର୍ଣ୍ଣପୁର: ଡ୍ରେନ ଖୋଳୁଥିବା ସମୟରେ ମାଡ଼ିବସିଲା କାନ୍ଥ, ୨ ଶ୍ରମିକ ମୃତ। ଏଭଳି ଦୁର୍ଘଟଣା ଘଟିଛି ସୋନପୁର ସହର ଗ୍ରୀଡ଼ କଲୋନୀରେ।l ମୃତ ଦୁଇ ଶ୍ରମିକ ପତିପତ୍ନୀ ହୋଇଥବାବେଳ ସେମାନେ ସୁବଳୟା ଥାନା ବଡଖମର ପଞ୍ଚାୟତ ଅନ୍ତର୍ଗତ ରାଧାପୁର ଗାଁର ମନୁ ମିର୍ଦ୍ଧା ଏବଂ ତାଙ୍କ ପତ୍ନୀ ଦୁଲ୍ଳଭ ମିର୍ଦ୍ଧା ବୋଲି ଜଣାପଡିଛି।

Advertisment

ସୋନପୁର ଗ୍ରୀଡ଼ କଲୋନୀରେ ଯାଇଥିବା ଡ୍ରେନକୁ ସଫା କରିବାକୁ ଯାଇଥିବା ସମୟରେ ପାଖ କାନ୍ଥଟି ସେମାନଙ୍କ ଉପରେ ପଡିଯାଇଥିଲା। ଫଳରେ କାମ ଡ୍ରେନ ତଳେ ଚାପି ହୋଇଯାଇଥିଲେ ଉଭୟ ପତି ପତ୍ନୀ। ଖବର ପାଇ ଦମକଳ ବାହିନୀ କର୍ମକର୍ତ୍ତା ଘଟଣା ସ୍ଥଳରେ ପହଞ୍ଚି ଉଭୟଙ୍କୁ ଗୁରୁତର ଅବସ୍ଥାରେ ଉଦ୍ଧାର କରିଥିବାବେଳେ ଆମ୍ବୁଲାନ୍ସ ସାହାଯ୍ୟରେ ମୁଖ୍ୟ ଡାକ୍ତରଖାନାକୁ ନିଆଯାଇଥିଲା। କିନ୍ତୁ ସେଠାରେ ଡାକ୍ତର ଉଭୟଙ୍କୁ ମୃତ ଘୋଷଣା କରିଛନ୍ତି।

ଖବର ପାଇ ବୀରମହାରାଜପୁର ବିଧାୟକ ସୋନପୁର ମୁଖ୍ୟ ଡାକ୍ତରଖାନରେ ପହଞ୍ଚି ଦୁର୍ଘଟଣା ସମ୍ପର୍କରେ ପଚାରି ବୁଝିବା ସହ ପରିବାର ବର୍ଗଙ୍କୁ ସମବେଦନା ଜଣାଇଛନ୍ତି।