ଦ୍ରୁତ ଗତିରେ ବଢ଼ୁଛି କରୋନା ସଂକ୍ରମଣ, ଦିନକରେ ୪୯ ପଜିଟିଭ୍, କଟକରେ ସର୍ବାଧିକ
ଏପ୍ରିଲ ୧୦ କୋଭିଡ୍ ମକଡ୍ରିଲ୍ ପାଇଁ ନିର୍ଦେଶାବଳୀ ଜାରି କଲା କେନ୍ଦ୍ର
ଭୁବନେଶ୍ବର : ରାଜ୍ୟରେ ଦିନକୁ ଦିନ କରୋନା ସଂକ୍ରମଣ ବଢ଼ିବାରେ ଲାଗିଛି। ଗତ ୨୪ଘଣ୍ଟାରେ ରାଜ୍ୟରେ କରୋନା ସଂକ୍ରମଣରେ ୪୪ ପ୍ରତିଶତ ବୃଦ୍ଧି ହୋଇଛି। ଗତକାଲି ରାଜ୍ୟରେ ୩୪ ଆକ୍ରାନ୍ତ ଚିହ୍ନଟ ହୋଇଥିଲେ। ଗୁରୁତ୍ବପୂର୍ଣ୍ଣ ବିଷୟ ହେଉଛି ରାଜ୍ୟର ଧୀରେ ଧୀରେ ଗୋଟିଏ ପରେ ଗୋଟିଏ ଜିଲ୍ଲା ସଂକ୍ରମଣ ତାଲିକାରେ ଯୋଡ଼ି ହେବାରେ ଲାଗିଛି।
Sambad is now on WhatsApp
Join and get latest news updates delivered to you via WhatsApp
ରାଜ୍ୟ ସ୍ବାସ୍ଥ୍ୟ ବିଭାଗରୁ ମିଳିଥିବା ସୂଚନା ଅନୁସାରେ, ରାଜ୍ୟରେ ଆଉ ୪୯ ପଜିଟିଭ୍ ଚିହ୍ନଟ ହୋଇଛନ୍ତି। ଏଥିରେ ୧୮ବର୍ଷରୁ କମ୍ ୫ଜଣ ପିଲା ରହିଛନ୍ତି। କଟକରୁ ସର୍ବାଧିକ ୨୫, ସମ୍ବଲପୁର ୮, ପୁରୀ, ନବରଙ୍ଗପୁରରୁ ୪ ଲେଖାଏ, ଖୋର୍ଧା ଓ କୋରାପୁଟରୁ ୩ ଲେଖାଏ, ଗଜପତି ଓ ମୟୂରଭଞ୍ଜରୁ ଜଣେ ଲେଖାଏ ଆକ୍ରାନ୍ତ ବାହାରିଛନ୍ତି। ଫଳରେ ରାଜ୍ୟରେ ଚିକିତ୍ସାଧୀନ ରୋଗୀଙ୍କ ସଂଖ୍ୟା ୧୫୮କୁ ବୃଦ୍ଧି ପାଇଛି।
ଏପ୍ରିଲ ୧୦ କୋଭିଡ୍ ମକଡ୍ରିଲ୍ ପାଇଁ ନିର୍ଦେଶାବଳୀ ଜାରି କଲା କେନ୍ଦ୍ର
ଭୁବନେଶ୍ବର : ଦେଶରେ କରୋନା ସଂକ୍ରମଣ ବୃଦ୍ଧିକୁ ନଜରରେ ରଖି କେନ୍ଦ୍ର ସରକାର ଆସନ୍ତାମାସ ୧୦-୧୧ ତାରିଖରେ ଦେଶବ୍ୟାପୀ ସ୍ବାସ୍ଥ୍ୟାନୁଷ୍ଠାନରେ ମକ୍ଡ୍ରିଲ କରିବା ପାଇଁ କହିଥିଲେ। ଏଥିପାଇଁ କେନ୍ଦ୍ର ସ୍ବାସ୍ଥ୍ୟ ମନ୍ତ୍ରଣାଳୟ ପକ୍ଷରୁ ନିର୍ଦେଶାବଳୀ ଜାରି କରାଯାଇଛି। ରାଜ୍ୟମାନେ ଏହାକୁ ଅନୁପାଳନ କରିବାକୁ କୁହାଯାଇଛି। କେନ୍ଦ୍ର ସ୍ବାସ୍ଥ୍ୟ ମନ୍ତ୍ରଣାଳୟ ପକ୍ଷରୁ କୁହାଯାଇଛି ଯେ ମକ୍ଡ୍ରିଲ ସମୟରେ ସବୁ ଜିଲ୍ଲାରେ ସ୍ବାସ୍ଥ୍ୟାନୁଷ୍ଠାନର ସୁବିଧା ରହିଛି କି ନାହିଁ ତାହାର ଧ୍ୟାନ ରଖାଯିବ। ଜିଲ୍ଲାପାଳଙ୍କ ନେତୃତ୍ବରେ ଏହି ମକଡ୍ରିଲ ଅନୁଷ୍ଠିତ ହେବ ବୋଲି ମନ୍ତ୍ରଣାଳୟ ପକ୍ଷରୁ କୁହାଯାଇଛି।