ମା’ ମଙ୍ଗଳାଙ୍କ ଝାମୁଯାତ୍ରାରେ ଲାଗିଲା କଟକଣା: ଚୈତ୍ର ମାସର ୫ ମଙ୍ଗଳବାରରେ ଶ୍ରଦ୍ଧାଳୁଙ୍କୁ ମନ୍ଦିର ପ୍ରବେଶ ମନା
ପୁରୀ : କାକଟପୁର ମା’ ମଙ୍ଗଳାଙ୍କ ଚୈତ୍ର ପର୍ବ ଓ ଝାମୁଯାତ୍ରା ଉପରେ ଲାଗିଲା କରୋନା କଟକଣା । ଭକ୍ତଙ୍କୁ ମନ୍ଦିର ପ୍ରବେଶ ମନା କରାଯାଇଛି । କୋଭିଡ କଟକଣା ଭିତରେ ମା’ଙ୍କ ନୀତିକାନ୍ତି ସଂପନ୍ନ ହେବ । ପୁରୀ ଜିଲ୍ଲାର ପ୍ରମୁଖ ଶକ୍ତିପୀଠ ଭାବେ ପରିଚିତ କାକଟପୁର ମା’ ମଙ୍ଗଳା ମନ୍ଦିରରେ ଚୈତ୍ର ପର୍ବ ଝାମୁଯାତ୍ରା ଅନୁଷ୍ଠିତ ହୁଏ । ଚଳିତବର୍ଷ ୫ ପାଳି ଯାତ୍ରା ଉପରେ ପ୍ରଶାସନିକ କଟକଣା ଲାଗିଛି । ଚଳିତ ମାସ ୩୦ ତାରିଖ ମଙ୍ଗଳବାର ଦିନ ମା’ଙ୍କ ପ୍ରଥମ ପାଳି ଯାତ୍ରା ଅନୁଷ୍ଠିତ ହେବ । ମା’ଙ୍କ ନୀତିକାନ୍ତି, କୋଭିଡ ନିୟମ ମାନି ସେବାୟତମାନେ ସଂପନ୍ନ କରିବେ । କିନ୍ତୁ ଭକ୍ତମାନଙ୍କୁ ମନ୍ଦିର ପ୍ରବେଶ ଉପରେ ସମ୍ପୂର୍ଣ୍ଣ ବାରଣ କରାଯାଇଛି।
Sambad is now on WhatsApp
Join and get latest news updates delivered to you via WhatsApp
ଆଜି କାକଟପୁର ଡାକବଙ୍ଗଳାଠାରେ ମନ୍ଦିର ପରିଚାଳନା କମିଟି ବୈଠକରେ ଏହି ନିଷ୍ପତ୍ତି ହୋଇଥିବା କାକଟପୁର ତହସିଲଦାର ଚିତ୍ତରଞ୍ଜନ ବେହେରା କହିଛନ୍ତି । ଝାମୁଯାତ୍ରାର ୫ଟି ପାଳିରେ ରାଜ୍ୟର ବିଭିନ୍ନ ସ୍ଥାନରୁ ହଜାର ହଜାର ଭକ୍ତ ମାଆଙ୍କ ଦର୍ଶନ କରିବାକୁ ଆସିଥାନ୍ତି । ଏବେ ପୁଣି କରୋନା ସଂକ୍ରମଣ ସଂଖ୍ୟା ବଢିବାରୁ ଝାମୁଯାତ୍ରା ଉପରେ କଟକଣା ଲାଗିଛି । ଝାମୁ ଯାତ୍ରାକୁ ଛାଡି ଦେଲେ ଅନ୍ୟ ଦିନମାନଙ୍କରେ ଭକ୍ତମାନେ କରୋନା କଟକଣା ମାନି ମା’ ମଙ୍ଗଳାଙ୍କ ଦର୍ଶନ କରିପାରିବେ ।