୨୫ରୁ ୨୭ ପର୍ଯ୍ୟନ୍ତ ୩ ଜିଲ୍ଲାରେ ବନ୍ଦ ରହିବ କୋଭିଡ ପରୀକ୍ଷା
ଭୁବନେଶ୍ବର : ବାଲେଶ୍ବର, ଭଦ୍ରକ ଓ ମୟୂରଭଞ୍ଜରେ ବାତ୍ୟା ‘ୟାସ୍’ର ପ୍ରଭାବ ବେଶି ଅନୁଭୂତ ହେବାକୁ ଥିବାରୁ ଏହି ୩ଟି ଜିଲ୍ଲାରେ ଘରକୁ ଘର ବୁଲି କରୋନା ଯାଞ୍ଚ ଅଭିଯାନ ସାମୟିକ ଭାବେ ବନ୍ଦ ରହିବ। ଏ ନେଇ ଆଜି ସମ୍ପୃକ୍ତ ଜିଲ୍ଲାର ଜିଲ୍ଲାପାଳମାନଙ୍କୁ ସ୍ବାସ୍ଥ୍ୟ ବିଭାଗ ଅତିରିକ୍ତ ମୁଖ୍ୟ ଶାସନ ସଚିବ ପ୍ରଦୀପ୍ତ କୁମାର ମହାପାତ୍ର ଚିଠି ଲେଖି ଜଣାଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ଚିଠିରେ ଅତିରିକ୍ତ ମୁଖ୍ୟ ଶବ ଦର୍ଶାଇଛନ୍ତି ବାଲେଶ୍ବର, ଭଦ୍ରକ ଓ ମୟୂରଭଞ୍ଜ ଜିଲ୍ଲାରେ ଆସନ୍ତା ୨୫ ତାରିଖରୁ ୨୭ ତାରିଖ ପର୍ଯ୍ୟନ୍ତ କରୋନା ଯାଞ୍ଚ ବନ୍ଦ ରଖାଯିବ। ଏହାସହିତ ବାତ୍ୟାର ପ୍ରକୋପକୁ ଦେଖି କେନ୍ଦ୍ରାପଡ଼ା, ଜଗତସିଂହପୁର ଓ କେନ୍ଦୁଝର ଜିଲ୍ଲାର ଜିଲ୍ଲାପାଳମାନେ କରୋନା ଯାଞ୍ଚ ସ୍ଥଗିତ ନେଇ ନିଷ୍ପତ୍ତି ନେଇପାରିବେ।
ସୂଚନାଥାଉକି, ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶ ଅନୁଯାୟୀ ଚଳିତ ମାସ ୨୪ ତାରିଖଠାରୁ ରାଜ୍ୟର ପ୍ରତ୍ୟେକ ଜିଲ୍ଲାରେ ଆଶା ଓ ଅଙ୍ଗନବାଡ଼ି କର୍ମୀମାନଙ୍କ ଦ୍ବାରା ଘରକୁ ଘର କରୋନା ଯାଞ୍ଚ ଅଭିଯାନ ଆରମ୍ଭ ହୋଇଛି। ଏହି ଯାଞ୍ଚ ଅଭିଯାନ ଆସନ୍ତା ଅଗଷ୍ଟ ୨୩ ତାରିଖ ପର୍ଯ୍ୟନ୍ତ ଚାଲିବ।