୧୨ରୁ ୧୪ ବର୍ଷ ବାଳକବାଳିକାଙ୍କୁ କୋଭିଡ୍ ପ୍ରତିଷେଧକ ଟିକାର ଶୁଭାରମ୍ଭ
ପ୍ରଥମ ଦିନରେ ୨ଟି କେନ୍ଦ୍ରରେ ଟିକା ନେଲେ ୧୭୯ ବାଳକବାଳିକା
ଖୋର୍ଦ୍ଧା: ଶୁକ୍ରବାର କେନ୍ଦ୍ର ସରକାରଙ୍କ ସାମୂହିକ କୋଭିଡ୍ ପ୍ରତିଷେଧକ ଟୀକାକରଣ ଅଭିଯାନରେ ୧୨ରୁ ୧୪ ବର୍ଷ ବାଳକବାଳିକାଙ୍କ ଟୀକାକରଣ କାର୍ଯ୍ୟକ୍ରମ ଖୋର୍ଦ୍ଧରେ ଆରମ୍ଭ ହୋଇଛି ।
Sambad is now on WhatsApp
Join and get latest news updates delivered to you via WhatsApp
ସ୍ଥାନୀୟ ସରକାରୀ ବାଳିକା ଉଚ୍ଚ ବିଦ୍ୟାଳୟରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ଜିଲ୍ଲା ମୁଖ୍ୟ ଚିକିତ୍ସାଧିକାରୀ ଆର୍ତ୍ତବନ୍ଧୁ ନାୟକ ଟୀକାକରଣ କାର୍ଯ୍ୟକ୍ରମର ଶୁଭାରମ୍ଭ କରିଥିଲେ । ଅନ୍ୟମାନଙ୍କ ମଧ୍ୟରେ ଏଡିପିଏଚ୍ଓ (ପରିବାର କଲ୍ୟାଣ) ଡା ଆର୍ ଏନ୍ ନାୟକ, ଡିପିଏମ୍ ପ୍ରକାଶ ବାନାର୍ଜୀ, ଡିପିଏଚ୍ସିଓ ପି କେ ମହାପାତ୍ର, ଡିଏମ୍ଆର୍ସିଏଚ୍ ମୀନାକ୍ଷୀ ବରାଳ, ଡିଭିଏଲ୍ଏମ୍ ଯଶୋଦା ରାଣୀ ବେହେରା, ଡିଆଇସିଏ ଦେବସ୍ମିତା ସାହୁଙ୍କ ସମେତ ସ୍କୁଲର ପ୍ରଧାନ ଶିକ୍ଷୟିତ୍ରୀ ଓ ଅନ୍ୟ ଶିକ୍ଷୟିତ୍ରୀମାନେ ଉପସ୍ଥିତ ଥିଲେ ।
ପ୍ରଥମ ଦିନରେ ଖୋର୍ଦ୍ଧା ଜିଲ୍ଳାରେ (ଭୁବନେଶ୍ୱର ମହାନଗର ନିଗମ ବ୍ୟତୀତ) ଦୁଇଟି କେନ୍ଦ୍ର- ଖୋର୍ଦ୍ଧା ବାଳିକା ସରକାରୀ ଉଚ୍ଚ ବିଦ୍ୟାଳୟ ଓ ବାଳକାଟି ସରକାରୀ ଉଚ୍ଚ ବିଦ୍ୟାଳୟରେ ଟୀକାଦାନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଖୋର୍ଦ୍ଧାରେ ୯୯ଜଣ ବାଳିକା ଟିକା ନେଇଥିବା ବେଳେ ବାଳକାଟିରେ ୮୦ଜଣ ଛାତ୍ରଛାତ୍ରୀ ଟିକା ନେଇଥିଲେ । ସିଡିଏମ୍ଓ ଡା ନାୟକ କହିଛନ୍ତି ଯେ ଜିଲ୍ଲାର ଗ୍ରାମାଂଚଳରେ ମୋଟ ୩୮ହଜାର ୯୬୪ଜଣ ୧୨ରୁ ୧୪ ବର୍ଷ ମଧ୍ୟରେ ବାଳକବାଳିକା ରହିଛନ୍ତି । ସମସ୍ତଙ୍କୁ ଟୀକା ଦେବା ପାଇଁ ଲକ୍ଷ୍ୟ ରଖାଯାଇଛି ।