ଗୋ-ହତ୍ୟା ଘଟଣା, ୬ ଗିରଫ
ଜମନକିରା: ଜମନକିରା ଥାନା ଫାଶୀମାଲ ପଞ୍ଚାୟତ ଦେହେରୁଣୀମାଲ ଗାଁ ମୁଣ୍ଡାପଡ଼ାର ବିଜୁ ପକ୍କା ଘର ଭିତରୁ ଶୁକ୍ରବାର ଗୋ-ହତ୍ୟା ପରେ ମାଂସ ପ୍ରସ୍ତୁତ କରାଯାଉଥିବା ଘଟଣା ପ୍ରଘଟ ହେବା ପରେ ମାଂସ କଟାଳି ମାନେ ଫେରାର ମାରିଥିଲେ।
Sambad is now on WhatsApp
Join and get latest news updates delivered to you via WhatsApp
ଏହି ଘଟଣାରେ ପୁଲିସ୍ ଜ୍ୟୋତିଷ ମୁଣ୍ଡା (୪୫)କୁ ଅଟକ ରଖି ଜେରା କରିଥିଲା। ଜେରା ବେଳେ ମୁଖ୍ୟ ଅଭିଯୁକ୍ତ ଜ୍ୟୋତିଷକୁ ମୁଣ୍ଡାପଡାର ୫ ଜଣ ସହଯୋଗ କରିଥିବା ଜଣା ପଡ଼ିଥିଲା। ଶୁକ୍ରବାର ରାତିରେ ଦେହେରୁଣୀମାଲ ଗ୍ରାମରେ ଲୁଚିଥିବାବେଳେ ଜୟ ମୁଣ୍ଡା(୪୨), ସଞ୍ଜୟ ଠାକୁର(୨୯), ସୁମନ୍ତ କାଣ୍ଡୁଲନା(୨୪), ନିରଞ୍ଜନ ଜଟର୍ମା(୨୭), ତୁଲାରାମ ନିଖଣ୍ଡିଆ (୩୨)କୁ ଗିରଫ କରିଥିଲା। ଶନିବାର ୬ ଅଭିଯୁକ୍ତଙ୍କୁ କୋର୍ଟଚାଲାଣ କରାଯାଇଥିବା ସୂଚନା ଦିଆଯାଇଛି।