ଭୁବନେଶ୍ୱର: ରାଜଧାନୀରେ ବେପରୁଆ ଭାବେ ଗାଡ଼ି ଚଳାଉଥିବା ଯୁବକଙ୍କୁ ଧରି ଟ୍ୟୁସନ୍ କଲେ ପୁଲିସ କମିସନର । ଭୁବନେଶ୍ୱର ଶାସ୍ତ୍ରୀନଗର ଛକରେ ଯୁବକ ଜଣଙ୍କ ବିନା ହେଲମେଟରେ ଗାଡି ଚଳାଉଥିବା ବେଳେ ଫୋନରେ ଗପୁଥିଲେ । ଆଉ ସେହି ସମୟରେ ପୁଲିସ କମିସନର ସୁଧାଂଶୁ ଷଡଙ୍ଗୀ ତାଙ୍କୁ ଅଟକାଇ ତାଗିଦ କରିଥିଲେ । ଶେଷରେ ଯୁବକ ଜଣଙ୍କ ଭୁଲମାଗିବା ପରେ ତାଙ୍କୁ ଛଡାଯାଇଥିଲା ।
Sambad is now on WhatsApp
Join and get latest news updates delivered to you via WhatsApp
ଭୁବନେଶ୍ୱର ଶାସ୍ତ୍ରୀନଗର ଛକରେ ପୁଲିସ କମିସନର ଏବଂ ଟ୍ରାଫିକ ପୁଲିସ ନିକଟରେ ଛିଡା ହୋଇଥିବା ଏହି ବ୍ୟକ୍ତିଙ୍କର ଭୁଲ ହେଲା ଗାଡି ଚଲାଇବା ସମୟରେ ତାଙ୍କ ମୁଣ୍ଡରେ ହେଲମେଟ୍ ନଥିଲା । ସବୁଠୁ ସାଂଘାତିକ କଥାଟି ହେଲା, ସେ ଗାଡି ଚଲାଇବା ସମୟରେ ଫୋନରେ କଥା ହେଉଥିଲେ । ଯେତେବେଳେ ପୁଲିସ କମିସନର ସୁଧାଂଶୁ ଷଡଙ୍ଗୀଙ୍କ ଦୃଷ୍ଟିରେ ଏହି ବେପରୁଆ ଗାଡି ଚାଳକ ଜଣଙ୍କ ପଡିଥିଲା, ସଙ୍ଗେ ସଙ୍ଗେ ଯୁବକଙ୍କୁ ଅଟକାଇଥିଲେ । ପିଏସଓ ଫୋନ ଛଡାଇ ନେବା ସହିତ କିଛି ସମୟ ପାଇଁ କଡା ତାଗିଦ କରିଥିଲା ପୁଲିସ ।
ପୁଲିସ କମିସନର ଏହି ଯୁବକଙ୍କୁ ଏପରି ଭୁଲ ନ କରିବା ପାଇଁ ବୁଝାଇବାକୁ ଚେଷ୍ଟା କରିଥିଲେ । ଅନ୍ୟପଟେ ପୁଲିସ ହାତରେ ଧରାପଡିଥିବା ଯୁବକ ଜଣଙ୍କ ଭୁଲ ମାଗିଥିଲେ ଏବଂ କହିଥିଲେ ଭବିଷ୍ୟତରେ ଏପରି ଭୁଲ କରିବେ ନାହିଁ । ତା’ ପରେ ପୁଲିସ ତାଙ୍କୁ ଛାଡିଥିଲା ।