ଧରଣୀଧର ବିଶ୍ବବିଦ୍ୟାଳୟ କୁଳପତି, କୁଳସଚିବ ପଦ ସୃଷ୍ଟି

କେନ୍ଦୁଝର :  କେନ୍ଦୁଝରରେ ଘୋଷିତ ଧରଣୀଧର ବିଶ୍ୱ ବିଦ୍ୟାଳୟ ପାଇଁ ୪ଟି ନୂଆ ପଦବି ଉଚ୍ଚ ଶିକ୍ଷା ବିଭାଗ ପକ୍ଷରୁ ସୃଷ୍ଟି ହୋଇଛି । ନୂତନ ଭାବେ କୁଳପତି, କୁଳସଚିବ, କଣ୍ଟ୍ରୋଲର ଅଫ ଫାଇନାନ୍ସ ଏବଂ ପରୀକ୍ଷା ନିୟନ୍ତ୍ରକ ପଦବି ସୃଷ୍ଟି ଉଚ୍ଚ ଶିକ୍ଷା ବିଭାଗର ପ୍ରମୁଖ ଶାସନ ସଚିବଙ୍କ ଦସ୍ତଖତରେ ବିଜ୍ଞପ୍ତି ପ୍ରକାଶ ପାଇଛି।

କେନ୍ଦୁଝର ସ୍ୱୟଂ ଶାସିତ ମହାବିଦ୍ୟାଳୟ ଅଧ୍ୟକ୍ଷ ପଦବି ସ୍ଥାନରେ ଓଡ଼ିଶା ବିଶ୍ୱ ବିଦ୍ୟାଳୟ ଆଇନ ୧୯୮୯ ଅନୁଯାୟୀ ଏହି କୁଳପତି ପଦବି ପୂରଣ ହେବ। ସେହିପରି କୁଳସଚିବ ପଦବି ଓଆରଏସ୍‌ପି ନିୟମ ୨୦୧୭ ଅନୁସାରେ ଓଏଏସ ପାହ୍ୟାର ଜଣେ ଅଧିକାରୀ ନିଯୁକ୍ତି ପାଇବେ। କଣ୍ଟ୍ରୋଲର ଅଫ ଫାଇନାନ୍ସ ପଦବି ପାଇଁ ଓଡିଶା ପାଇନାନ୍ସ ସର୍ଭିସ ଜଣେ ଅଧିକାରୀ ଏବଂ ପରୀକ୍ଷା ନିୟନ୍ତ୍ରକ ଭାବେ ବିଶ୍ୱ ବିଦ୍ୟାଳୟର ଜଣେ ଆସୋସିଏଟ ପ୍ରଫେସର କିମ୍ବା ଜଣେ ଓଇଏସ୍‌ ଅଧିକାରୀଙ୍କୁ ନିଯୁକ୍ତି ଦେବାକୁ ଏହି ନୋଟିସ୍‌ରେ ଉଲ୍ଲେଖ ରହିଛି।