ଭଦ୍ରକ: ଗାଁ ପୋଖରୀରେ କୁମ୍ଭୀର ଆତଙ୍କ। ପୋଖରୀରେ ଗାଧୋଉଥିବା ପିଲା-ଛୁଆ, ମହିଳା, ବୟସ୍କମାନେ ହଠାତ୍ କୁମ୍ଭୀର ଦେଖି ଭୟଭୀତ ହୋଇଯାଇଛନ୍ତି। ଭଦ୍ରକ ଜିଲ୍ଲା ତିହିଡି ବ୍ଲକ ଅନ୍ତର୍ଗତ ସାଠିବାଟି ଗ୍ରାମରେ ଏକ ପୋଖରୀରେ ଆଜି ଏହି କୁମ୍ଭୀର ଆତଙ୍କ ଦେଖାଯାଇଛି।
Sambad is now on WhatsApp
Join and get latest news updates delivered to you via WhatsApp
କୁମ୍ଭୀରକୁ ଗ୍ରାମବାସୀ ଦେଖିଲା ପରେ ସେମାନେ ସ୍ଥାନୀୟ ଥାନା, ବନବିଭାଗ ଓ ଅଗ୍ନିଶମ ବିଭାଗକୁ ଅବଗତ କରିଥିଲେ। ସୂଚନା ପାଇଁ ବନ ବିଭାଗ କର୍ମଚାରୀମାନେ ଉକ୍ତ ପୋଖରୀ ନିକଟରେ ପହଞ୍ଚି ପ୍ରଥମେ ଅନୁଧ୍ୟାନ କରିଥିଲେ। କୁମ୍ଭୀରକୁ ପ୍ରଥମେ ଦଉଡ଼ି ଓ ଜାଲରେ ଧରିବାକୁ ଉଦ୍ୟମ କରାଯାଇଥିଲା। କିନ୍ତୁ ଏହା ସମ୍ଭବ ହୋଇ ନ ପାରିବାରୁ ପରେ ଅଗ୍ନିଶମ ବିଭାଗ ପକ୍ଷରୁ ୨ ଟି ଓ ଅନ୍ୟ ସୂତ୍ରରୁ ୨ଟି ପମ୍ପସେଟ ଲଗାଇ ପୋଖରୀରୁ ପାଣି କମାଯାଉଛି। ପାଣି କମିବା ପରେ ଉକ୍ତ କୁମ୍ଭୀରକୁ ଉଦ୍ଧାର କରାଯିବ ବୋଲି କୁହାଯାଉଛି। ଏହି କୁମ୍ଭୀର ଦେଖିବା ପାଇ୍ଁ ହଜାର ହଜାର ଲୋକଙ୍କ ଭିଡ ଜମିଛି।