ଘଟଗାଁ : ଘଟଗାଁ ନିକଟସ୍ଥ ଧାଙ୍ଗଡ଼ଡିହା ଗ୍ରାମ ଓ ଏହାର ଆଖପାଖ ଅଞ୍ଚଳରେ ଗତକାଲି ରାତିରେ ହାତୀପଲ ପଶି ବ୍ୟାପକ କ୍ଷୟକ୍ଷତି କରିଛନ୍ତି। ହାତୀପଲ ଧାଙ୍ଗଡ଼ଡିହା ଗ୍ରାମର ପ୍ରସନ୍ନ ବାରିକଙ୍କ ବଗିଚାରେ ପଶି ବାଇଗଣ ଓ ବୋଇତାଳୁ ଫସଲ ଖାଇବା ସହ ଦଳିଚକଟି ନଷ୍ଟ କରିଛନ୍ତି। ଖବର ପାଇ ଫରେଷ୍ଟର ଟିକେଶ୍ୱର ମହାନ୍ତ ଘଟଣାସ୍ଥଳକୁ ଯାଇ ପରିସ୍ଥିତି ଅନୁଧ୍ୟାନ କରିଛନ୍ତି। ସପ୍ତାହେ ହେଲା ହାତୀପଲ ଦୁଇଭାଗ ହୋଇ ଘଟଗାଁ ଓ ଏହାର ଅଖପାଖ ଅଞ୍ଚଳରେ ବୁଲୁଛନ୍ତି। ଗୋଟିଏ ଦଳରେ ତିନିଟି ଦନ୍ତା ହାତୀ ରହିଥିବା ଅନୁମାନ କରାଯାଉଛି। ଅନ୍ୟ ଦଳରେ ଆଠଟି ହାତୀ ଅଛନ୍ତି। ହାତୀପଲ ଘଟଗାଁ, ଦୁଃଖବାହାଳି, କେନ୍ଦୁଆପଡ଼ା, ବୀଣାଝରି, କୋଳିପୋଷି ଅଞ୍ଚଳରେ ଘୂରି ବୁଲୁଥିବାରୁ ଲୋକେ ଆତଙ୍କିତ ଅବସ୍ଥାରେ ଅଛନ୍ତି।