ଖାଦ୍ୟ ଅନ୍ବେଷଣରେ ଗାଁମୁହାଁ ହାତୀପଲ, ବ୍ୟାପକ ଫସଲ ନଷ୍ଟ

ଚମକପୁର : ଖଣି ଖାଦାନ ଯୋଗୁଁ ଜଙ୍ଗଲ ଏବେ ପଦା ହେବାକୁ ବସିଲାଣି। ତେଣୁ ଜଙ୍ଗଲରେ ମିଳୁନି ହାତୀଙ୍କୁ ଖାଦ୍ୟ । ଫଳରେ ହାତୀପଲ ଗାଁ ମୁହାଁ ହେଉଛନ୍ତି । ବଡ଼ବିଲ ରେଞ୍ଜ ବିଲେଇପଦା ସେକ୍ସନ  ଅନ୍ତର୍ଗତ କୁଦାପି ଓ ନାରାୟଣପୁର ଗ୍ରାମରେ ଖାଦ୍ୟ ଅନ୍ବେଷଣରେ ହାତୀପଲ ଗାଁ’ ଧାନ ବିଲରେ ପଶି ଧାନ ଓ ମଟର ସୋଲା ଚାଷକୁ ଖାଇ ନଷ୍ଟ କରିଦେଇଛନ୍ତି।

ସୂଚନା ମୁତାବକ, ଗତ ରାତି ପ୍ରାୟ ୧୦ ଟା ବେଳେ ଝାଡ଼ଖଣ୍ଡରୁ ୧୬ ଟିକିଆ ହାତୀପଲ ନାରାୟଣପୁର ଗ୍ରାମର ରାଜାରାମ ଓରାମ, ସୁକୁରମନି ଓରାମ ଓ କୁଦାପି ଗ୍ରାମର ମନୋଜ ନାଏକ, ମନୋରଞ୍ଜନ ମୁଣ୍ଡା ଓ ମନୋଜ ମହାନ୍ତଙ୍କ ଚାଷ ଜମିରେ  ପଶି ଖାଇଥିବା ସେମାନେ ଅଭିଯୋଗ କରିଛନ୍ତି। ତେଣୁ ବନ ବିଭାଗ ଦୃଷ୍ଟି ଦେଇ କ୍ଷତିପୂରଣ ପ୍ରଦାନ କରିବାକୁ ଦାବି କରିଛନ୍ତି।