ତେଲକୋଇ: ହାତୀ ଆକ୍ରମଣରେ ଜଣେ ଯୁବକଙ୍କ ମୃତ୍ୟୁ ଘଟିଛି। ମୃତକ ଜଣକ ହେଲେ କେନ୍ଦୁଝରଜିଲ୍ଲା ତେଲକୋଇ ବ୍ଲକ ଦେଉଳଡିହା ପଞ୍ଚାୟତ ଉଦୟଗିରି ଗ୍ରାମ ଅନ୍ତର୍ଗତ ମହାନ୍ତ ସାହିର ଆକାଶ ମହାନ୍ତ।

Advertisment

ଚିକିତ୍ସାଧୀନ ଅବସ୍ଥାରେ କେନ୍ଦୁଝର ମେଡିକାଲ କଲେଜରେ ମୃତ୍ୟୁ ଘଟିଛି।ଗତକାଲି ରାତିରେ ଧାନ କ୍ଷେତରେ ହାତୀ ପଶିଥିଲେ। ଘଉଡାଇବା ବେଳେ ଏକ ହାତୀ ଶୁଣ୍ଢରେ କଚାଡ଼ି ପାଦରେ ଦଳି ଦେଇଥିଲା। 

ଗୁରୁତର ଅବସ୍ଥାରେ ପ୍ରଥମେ ତାଙ୍କୁ ତେଲକୋଇ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ପ୍ରାଥମିକ ଚିକିତ୍ସା ପରେ କେନ୍ଦୁଝର ମେଡିକାଲ କଲେଜକୁ ସ୍ଥାନାନ୍ତରିତ କରାଯାଇଥିଲା। ସେଠାରେ ମୃତ୍ୟୁ ଘଟିଥିବା ବନ ବିଭାଗ ପକ୍ଷରୁ କୁହାଯାଇଛି।

ଗତକାଲି ରାତିରେ ୬ ଟିକିଆ ହାତୀ ପଲ ସ୍ଥାନୀୟ ଅଞ୍ଚଳର ଧାନ କ୍ଷେତରେ ଉପଦ୍ରବଜାରୀ ରଖିଥିଲେ। ହାତୀ ମୁହଁରୁ ଫସଲ ବଞ୍ଚାଇବା ପାଇଁ ଅନ୍ୟମାନଙ୍କ ସହିତ ଆକାଶ ମଧ୍ୟ ହାତୀ ଘଉଡ଼ାଉଥିଲେ।

କନ୍ତଲେଇ-ଗୋଳାଗାଡିଆ କାଜୁ ବଗିଚା ନିକଟରେ ଏକ ହାତୀ ଦଉଡାଇ ଆକ୍ରମଣ କରିଥିଲା। ପରେ ପରେ ବନ ବିଭାଗ କର୍ମଚାରୀ ଘଟଣାସ୍ଥଳରେ ପହଞ୍ଚି ଉଦ୍ଧାର କରି ତାଙ୍କୁ ତେଲକୋଇ ଡାକ୍ତରଖାନାରେ ଭର୍ତ୍ତି କରିଥିଲେ।

Keonjhar | Elephant