ପରିବାରକୁ ଛାଡ଼ି ଡାକ୍ତର ସ୍ୱାମୀ ନର୍ସଙ୍କ ସହିତ ରଖିଥିଲେ ଅନୈତିକ ସମ୍ପର୍କ, ପତ୍ନୀଙ୍କ ହାତରେ ଧରାପଡ଼ିଲେ
କଟକ: କଟକର ଘରୋଇ ଡାକ୍ତରଖାନାରେ କାର୍ଯ୍ୟରତ ଆୟୁସ୍ ଡାକ୍ତର ଚିନ୍ମୟ କୁମାର ସାହୁ ଜଣେ ନର୍ସଙ୍କ ସହ ଅନୈତିକ ସଂପର୍କ ରଖିଥିବା ନେଇ ତାଙ୍କ ପତ୍ନୀ ଶୁକ୍ରବାର ଏକ ସାଂଘାତିକ ଅଭିଯୋଗ ଆଣିଛନ୍ତି। ନ୍ୟାୟ ପାଇଁ ଡାକ୍ତରଙ୍କ ପତ୍ନୀ ଥାନାର ଦ୍ୱାରସ୍ଥ ହୋଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, ୨୦୧୩ ମସିହାରେ କଟକ ମାତା ମଠ ଅଞ୍ଚଳରେ ସ୍ୱର୍ଣ୍ଣଲତା ମହାନ୍ତିଙ୍କୁ ଡାକ୍ତର ଚିନ୍ମୟ କୁମାର ସାହୁ ବିବାହ କରିଥିଲେ । ଡାକ୍ତର ଚିନ୍ମୟ କଟକର ଏକ ଘରୋଇ ହସ୍ପିଟାଲରେ ଆନାସ୍ଥେସିଆ ବିଭାଗରେ କାମ କରୁଥିବା ବେଳେ ଜଣେ ନର୍ସଙ୍କ ସହ ପ୍ରେମ ସମ୍ପର୍କ ରଖିଥିବା ତାଙ୍କ ସ୍ତ୍ରୀ ଅଭିଯୋଗ କରିଛନ୍ତି । ନ୍ୟାୟ ପାଇଁ ସସ୍ମିତା ମହିଳା ଥାନା ଓ ସାଲେପୁର ଥାନାରେ ଲିଖିତ ଅଭିଯୋଗ କରିବା ପରେ କଟକ ଡିସିପିଙ୍କୁ ଭେଟିଛନ୍ତି । ଡିସିପି ତାଙ୍କ ଠାରୁ ପୁରା ଘଟଣା ସମ୍ପର୍କରେ ପଚାରି ବୁଝିଛନ୍ତି ।
ମହିଳାଙ୍କ ଅଭିଯୋଗ ଆଧାରରେ ତଦନ୍ତ ଚାଲିଛି ପ୍ରମାଣ ମିଳିଲେ ଆଇନ ଅନୁଯାୟୀ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଡିସିପି କହିଛନ୍ତି ।