ହରିଚନ୍ଦନପୁର : ହରିଚନ୍ଦନପୁର-ମନୋହରପୁର ରାସ୍ତାର ଗମ୍ଭାରିଆ ଗ୍ରାମ ନିକଟରେ ଆଜି ସନ୍ଧ୍ୟାରେ ଏକ ବାଇକ୍‌ ଧକ୍କାରେ ସାଇକଲ ଆରୋହୀ ଝାଡ଼ପୋଖରୀ ଗ୍ରାମର ଭିକାରି ଚରଣ ସାହୁ (୭୨)ଙ୍କ ମୃତ୍ୟୁ ଘଟିଛି। ବାଇକ୍‌ ଆରୋହୀ ହରିଚନ୍ଦନପୁର ଗ୍ରାମର କ୍ଷୀରୋଦ ନାଏକ (୨୦) ଗୁରୁତର ଆହତ ହୋଇଛନ୍ତି। ଶ୍ରୀ ସାହୁ ହରିଚନ୍ଦନପୁର ସାପ୍ତାହିକ ହାଟରୁ ସାଇକଲରେ ନିଜ ଗ୍ରାମକୁ ଫେରୁଥିବା ବେଳେ ବିପରୀତ ଦିଗରୁ ବାଇକରେ ଆସୁଥିବା ଶ୍ରୀ ନାଏକଙ୍କ ସହ ମୁହାଁମୁହିଁ ଧକ୍କା ହୋଇଥିଲେ। ଉଭୟଙ୍କୁ ହରିଚନ୍ଦନପୁର ଡାକ୍ତରଖାନାରେ ଭର୍ତ୍ତି କରାଯାଇଥିଲା। ସେଠାରେ ଶ୍ରୀ ସାହୁଙ୍କ ମୃତ୍ୟୁ ଘଟିଥିବା ବେଳେ ଗୁରୁତର ଥିବା ଶ୍ରୀ ନାଏକଙ୍କୁ କେନ୍ଦୁଝର ଡାକ୍ତରଖାନାକୁ ସ୍ଥାନାନ୍ତର କରାଯାଇଛି।