ବାତ୍ୟା ‘ଦାନା’:୫ ଜିଲ୍ଲାକୁ ୩ ଘଣ୍ଟା ପାଇଁ ଅରେଞ୍ଜ ୱାର୍ଣ୍ଣିଂ ଜାରି

ଭୁବନେଶ୍ବର: ପୂର୍ବ-କେନ୍ଦ୍ରୀୟ ବଙ୍ଗୋପସାଗର ଓ ଉତ୍ତର ଆଣ୍ଡାମାନ ସାଗରରେ ସୃଷ୍ଟି ହୋଇଥିବା ସାମୁଦ୍ରିକ ବାତ୍ୟା ‘ଦାନା’ ଶକ୍ତିଶାଳୀ ହୋଇ ସ୍ଥଳଭାଗ ମୁହାଁ ହୋଇଛି। ‘ଦାନା’ର ପ୍ରଭାବରେ ତୁହାକୁ ତୁହା ବର୍ଷା ସହିତ ପବନ ବେଗ ମଧ୍ୟ ଧୀରେଧୀରେ ବଢ଼ିବାରେ ଲାଗିଛି। 

ଆସନ୍ତା ତିନି ଘଣ୍ଟା ମଧ୍ୟରେ ୩୦ ରୁ ୪୦ କିଲୋମିଟର ବେଗରେ ପବନ ବହିବା ସହ ମଧ୍ୟମରୁ ପ୍ରବଳ ବର୍ଷା ଏବଂ ବଜ୍ରପାତ ହେବାର ପୂର୍ବାନୁମାନ କରି ଭାରତୀୟ ପାଣିପାଗ ବିଭାଗ (ଆଇଏମଡି) ଓଡିଶାର ପାଞ୍ଚଟି ଜିଲ୍ଲା ପାଇଁ ଅରେଞ୍ଜ ୱାର୍ଣ୍ଣିଂ ଜାରି କରିଛି।

ଆଇଏମଡିର ବୁଲେଟିନ୍ ଅନୁଯାୟୀ ବାଲେଶ୍ବର, ଭଦ୍ରକ, କେନ୍ଦ୍ରାପଡା, ଜଗତସିଂହପୁର ଏବଂ ଯାଜପୁର ଜିଲ୍ଲା ଆସନ୍ତା ତିନି ଘଣ୍ଟା ମଧ୍ୟରେ ବାତ୍ୟା ‘ଦାନା’ ଯୋଗୁ ପ୍ରଭାବିତ ହେବ।

ଏସବୁ ଜିଲ୍ଲାର ବାସିନ୍ଦାଙ୍କୁ ସତର୍କ ରହିବାକୁ ଏବଂ ବଜ୍ରପାତରୁ ନିଜକୁ ରକ୍ଷା କରିବା ପାଇଁ ଆବଶ୍ୟକ ସତର୍କତା ଅବଲମ୍ବନ କରିବାକୁ ପରାମର୍ଶ ଦିଆଯାଇଛି।

#WATCH | Bhubaneswar, Odisha | On cyclone 'Dana', Director IMD, Manorama Mohanty says, "The cyclone Dana has intensified into a severe cyclonic storm in last midnight and it is moving north-westward with the speed 12km/hr during last 6 hours and now it is lying over central and… pic.twitter.com/Cff2mVTNgh

— ANI (@ANI) October 24, 2024

ପାଣିପାଗ ଅପଡେଟ୍ ଉପରେ ତୀକ୍ଷ୍‌ଣ ନଜର ରଖିବାକୁ, ତୁରନ୍ତ ନିରାପଦ ସ୍ଥାନକୁ ଯିବାକୁ, ଆବଶ୍ୟକ ସ୍ଥଳେ ଭ୍ରମଣରୁ ଦୂରେଇ ରହିବାକୁ ଏବଂ ପ୍ରବଳ ବର୍ଷା ତଥା ବଜ୍ରପାତ ସମୟରେ ଘର ଭିତରେ ରହିବାକୁ ଭୁବନେଶ୍ବର ପାଣିପାଗ ବିଭାଗ ନିର୍ଦ୍ଦେଶିକା ମନୋରମା ମହାନ୍ତି ଲୋକଙ୍କୁ ପରାମର୍ଶ ଦେଇଛନ୍ତି।

#WATCH | #CycloneDana | Local administration and police evacuating people living in vulnerable areas of Dhamra, Bhadrak. People are being brought to the cyclone shelter as #CycloneDana is expected to make landfall over the Odisha-West Bengal coast, between October 24-25 pic.twitter.com/Uv5K9M4skr

— ANI (@ANI) October 24, 2024

ସୁରକ୍ଷା ଦୃଷ୍ଟିରୁ ବାତ୍ୟା ‘ଦାନା’ ଯୋଗୁ ସମ୍ଭାବ୍ୟ ପ୍ରଭାବିତ ହେବାକୁ ଥିବା ଅଞ୍ଚଳର ଲୋକଙ୍କୁ ଅସ୍ଥାୟୀ ଆଶ୍ରୟସ୍ଥଳରେ ଆଣି ରଖାଯାଇଛି।

ଅଧିକ ପଢ଼ନ୍ତୁ: 

ସ୍ଥଳଭାଗ ମୁହାଁ ‘ଦାନା’: ଦୂରତା କମିଲା,ପାରାଦୀପଠାରୁ ୨୬୦ କିମି, ଧାମରା ବନ୍ଦରଠାରୁ ୨୯୦ ଦୂରରେ

‘ଦାନା’ତାଣ୍ଡବରୁ ସୁରକ୍ଷା ପାଇଁ ଧାମରାଈ ମନ୍ଦିରରେ ସ୍ୱତନ୍ତ୍ର ପୂଜାପାଠ