ମୁଖ୍ୟମନ୍ତ୍ରୀଙ୍କ ରିଲିଫ୍ ପାଣ୍ଠିକୁ ଦାନ : ଏଚ୍ଡିଏଫ୍ସି ବ୍ୟାଙ୍କ ଦେଲା ୧୦ କୋଟି, କଳିଙ୍ଗ ଫାଉଣ୍ଡେସନ୍ ଟ୍ରଷ୍ଟ ଦେଲା ୩ ଲକ୍ଷ
କର୍ଣ୍ଣାଟକ ଦେଲା ୧୦ କୋଟି
ଭୁବନେଶ୍ବର : ଫନି ବାତ୍ୟା ପ୍ରଭାବିତଙ୍କ ସହାୟତା ଓ ପୁନରୁଦ୍ଧାର ପାଇଁ ବିଭିନ୍ନ ସଂସ୍ଥା ଓ ବ୍ୟକ୍ତିଙ୍କ ପକ୍ଷରୁ ମୁଖ୍ୟମନ୍ତ୍ରୀଙ୍କ ରିଲିଫ୍ ପାଣ୍ଠିକୁ ଦାନ ଦିଆଯାଇଛି। ଏଚ୍ଡିଏଫ୍ସି ବ୍ୟାଙ୍କ ପକ୍ଷରୁ ୧୦ କୋଟି ଟଙ୍କା ପ୍ରଦାନ କରାଯାଇଛି। ବ୍ୟାଙ୍କର ଶାଖା ବ୍ୟାଙ୍କିଙ୍ଗ୍ ମୁଖ୍ୟ(ପୂର୍ବ) ସନ୍ଦିପ ଏସ୍ କୁମାର, ଆଞ୍ଚଳିକ ମୁଖ୍ୟ ରାଜେଶ ଶ୍ରୀବାସ୍ତବ ଓ ଡେପୁଟି ଭାଇସ୍ ପ୍ରେସିଡେଣ୍ଟ୍ ଅନିମେଶ ବିଶ୍ବାଳ ପ୍ରମୁଖ ଆଜି ସଚିବାଳୟରେ ମୁଖ୍ୟମନ୍ତ୍ରୀଙ୍କୁ ଭେଟି ଏହି େଚକ୍ ପ୍ରଦାନ କରିଥିଲେ। ସେହିପରି କଳିଙ୍ଗ ଫାଉଣ୍ଡେସନ୍ ଟ୍ରଷ୍ଟ ପକ୍ଷରୁ ଟ୍ରଷ୍ଟି ଭାବନୀ ଚରଣ ପଟ୍ଟନାୟକ ଓ ବିମଳ ଦାସ ମୁଖ୍ୟମନ୍ତ୍ରୀଙ୍କୁ ଭେଟି ୩ ଲକ୍ଷ ଟଙ୍କାର ଚେକ୍ ପ୍ରଦାନ କରିଛନ୍ତି। ଏମାନଙ୍କ ସହିତ େକାରେଇ ବିଧାୟକ ଆକାଶ ଦାସନାୟକ ୧ ଲକ୍ଷ ଟଙ୍କା, ହିଞ୍ଜିିଳି ପଞ୍ଚାୟତ ସମିତି ୨ ଲକ୍ଷ ୧ ହଜାର ଟଙ୍କା ଓ ଭୁବନେଶ୍ବରର ରଞ୍ଜିତ ଦାସ ୧୦ ହଜାର ଟଙ୍କା ପ୍ରଦାନ କରିଛନ୍ତି। ଓଡ଼ିଶାବାସୀଙ୍କ ବିପଦ ସମୟରେ ସେମାନଙ୍କୁ ସହାୟତା କରିବା ପାଇଁ ଏହି ସଂସ୍ଥା ଓ ବ୍ୟକ୍ତିବିେଶଷ ସହୃଦୟତାର ସହ ଆଗେଇ ଆସିଥିବାରୁ ମୁଖ୍ୟମନ୍ତ୍ରୀ ସେମାନଙ୍କୁ ଧନ୍ୟବାଦ ଅର୍ପଣ କରିଥିଲେ।
Sambad is now on WhatsApp
Join and get latest news updates delivered to you via WhatsApp
କର୍ଣ୍ଣାଟକ ଦେଲା ୧୦ କୋଟି
ଭୁବେନଶ୍ବର : ଓଡ଼ିଶାର ବାତ୍ୟା ପ୍ରଭାବିତ ଅଞ୍ଚଳରେ ପୁନରୁଦ୍ଧାର କାର୍ଯ୍ୟ ପାଇଁ କର୍ଣ୍ଣାଟକ ସରକାର ଓଡ଼ିଶା ମୁଖ୍ୟମନ୍ତ୍ରୀଙ୍କ ରିଲିଫ୍ ପାଣ୍ଠିକୁ ୧୦ କୋଟି ଟଙ୍କା ପ୍ରଦାନ କରିଛନ୍ତି। ପୂର୍ବରୁ ୭ଟି ରାଜ୍ୟ ସରକାର ଓଡ଼ିଶାକୁ ସହାୟତା ପ୍ରଦାନ କରିଛନ୍ତି।