‘ଫନି’ ବିଶେଷ ପ୍ରଭାବିତ କରିବାକୁ ଥିବା ୧୧ଟି ଜିଲ୍ଳାରୁ ହଟିଲା ଆଦର୍ଶ ଆଚରଣ ବିଧି, ବିନା ଦ୍ୱିଧାରେ ରାଜ୍ୟବାସୀଙ୍କୁ କରି ହେବ ସହାୟତା
ଭୁବନେଶ୍ୱର: ଭାରତୀୟ ନିର୍ବାଚନ କମିସନ ଓଡ଼ିଶାର ପୁରୀ, କଟକ, ଯାଜପୁର, କେନ୍ଦ୍ରାପଡ଼ା, ଜଗତ୍ସିଂହପୁର, ବାଲେଶ୍ୱର, ଭଦ୍ରକ, ମୟୂରଭଞ୍ଜ, ଗଜପତି, ଗଞ୍ଜାମ, ଖୋର୍ଦ୍ଧା ଜିଲ୍ଲାରୁ ଆଦର୍ଶ ଆଚରଣ ବିଧି ହଟାଇ ଦେଇଛନ୍ତି। ସାମୁଦ୍ରିକ ଝଡ଼ ‘ଫନି’ ଓଡ଼ିଶାକୁ ମାଡ଼ି ଆସୁଥିବା ହେତୁ ରାଜ୍ୟବାସୀଙ୍କୁ ରିଲିଫ୍ ସହ ଅନ୍ୟାନ୍ୟ ସହାୟତାର ଆବଶ୍ୟକତା ରହିଛି। ଏବେ କୌଣସି ବି ଦଳ, ବ୍ୟକ୍ତିବିଶେଷ ରାଜ୍ୟବାସୀଙ୍କୁ ସାହାଯ୍ୟର ହାତ ବଢ଼ାଇଲେ ତାହା ଆଦର୍ଶ ଆଚରଣ ବିଧିର ଉଲ୍ଲଂଘନ କରିବ ନାହିଁ ବୋଲି ନିର୍ବାଚନ କମିସନ ସ୍ପଷ୍ଟ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଓଡ଼ିଶାର କେତେକ ଜିଲ୍ଳାରୁ ଆଦର୍ଶ ଆଚରଣ ବିଧି ହଟାଇବା ପାଇଁ ହୋଇଥିବା ନିବେଦନକୁ ମଞ୍ଜୁରୀ ଦେଇଛନ୍ତି ନିର୍ବାଚନ କମିସନ। ନିର୍ବାଚନ କମିସନଙ୍କ ଉପ ମୁଖ୍ୟ ଅଧିକାରୀ ଏକ ପତ୍ର ଜରିଆରେ ଏ ସଂପର୍କରେ ମୁଖ୍ୟ ସଚିବ ଆଦିତ୍ୟ ପ୍ରସାଦ ପାଢ଼ୀଙ୍କୁ ଜଣାଇଛନ୍ତି।
ଉଲ୍ଳେଖଯୋଗ୍ୟ, ମଙ୍ଗଳବାର ଓଡ଼ିଶା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମୁଖ୍ୟ ନିର୍ବାଚନ ଅଧିକାରୀ ସୁନୀଲ ଆରୋରାଙ୍କୁ ଭେଟି ଆପଦା ପରିସ୍ଥିତି ହେତୁ ରାଜ୍ୟରୁ ଆଦର୍ଶ ଆଚରଣ ବିଧି ଉଲ୍ଲଂଘନ କରିବାକୁ ଅନୁରୋଧ କରିଥିଲେ। ମୁଖ୍ୟମନ୍ତ୍ରୀ ନବୀନଙ୍କ ନିବେଦନ ରକ୍ଷା କରି ନିର୍ବାଚନ ଅଧିକାରୀ ବହୁଳ ଭାବେ ପ୍ରଭାବିତ ହେବାକୁ ଥିବା କିଛି ଜିଲ୍ଲା ଉପରୁ ଏହି ନିୟମ ହଟାଇ ଦେଇଛନ୍ତି।