ଭୁବନେଶ୍ୱର : ଭୟଙ୍କର ସାମୁଦ୍ରିକ ମହାବାତ୍ୟା ଫୋନି ଓଡ଼ିଆ ଆଡକୁ ମାଡି ଆସୁଛି । ତେବେ ଓଡ଼ିଶାର କେଉଁ ସ୍ଥାନରେ ଏହା ସ୍ଥଳଭାଗ ଛୁଇଁବ ବା ଲାଣ୍ଡଫଲ କରିବ ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ । ଏପରିକି ଏହା ଓଡ଼ିଶା ଉପକୂଳ ନ ଛୁଇଁ ସମୁଦ୍ର ମଧ୍ୟରେ ହିଁ ମିଆଁମାର ଆଡେ ପଳାଇଯିବାର ସମ୍ଭାବନା ବି ରହିଛି । କିନ୍ତୁ ବର୍ତ୍ତମାନ ଏହାର ଗତିପଥକୁ ଦେଖିଲେ ଜଣାପଡୁଛି ଯେ ଏହି ବାତ୍ୟା ଓଡ଼ିଶାକୁ ଛୁଇଁବା ଏକରକମ ନିଶ୍ଚିତ । ଘରୋଇ ପାଣିପାଗ ସଂସ୍ଥା ସ୍କାଇମେଟ ପକ୍ଷରୁ ୪ଟି ସ୍ଥାନ ଉପରେ ନଜର ରଖାଯାଇଛି । ସେଗୁଡ଼ିକ ହେଉଛି, ଆନ୍ଧ୍ରପ୍ରଦେଶର କଳିଙ୍ଗପଟ୍ଟନମ, ଓଡ଼ିଶାର ଗୋପାଳପୁର, ପାରାଦୀପ ଓ ପୁରୀ । ଆମେରିକୀୟ ନୌସେନାର ପାଣିପାଗ ପୂର୍ବାନୁମାନକାରୀ ସଂସ୍ଥା ମଧ୍ୟ ଏହି ୪ଟି ସହର ଉପରେ ନଜର ରଖିଛି ।
Sambad is now on WhatsApp
Join and get latest news updates delivered to you via WhatsApp
ଭାରତୀୟ ପାଣିପାଗ ବିଭାଗର ସର୍ବଶେଷ ରିପୋର୍ଟ ଅନୁସାରେ ଫୋନି ଏବେ ଶ୍ରୀଲଙ୍କାର ତ୍ରିଙ୍କୋମାଲିଠାରୁ ୬୨୦ କିଲୋମିଟର ପୂର୍ବ ଦିଗରେ ତଥା ଚେନ୍ନାଇଠାରୁ ୭୭୦ କିଲୋମିଟର ଦକ୍ଷିଣ-ପୂର୍ବ ଦିଗରେ କେନ୍ଦ୍ରୀଭୂତ ହୋଇରହିଛି । ଏହା ଆସନ୍ତା ୬ ଘଣ୍ଟା ମଧ୍ୟରେ ଏକ ଭୀଷଣ ସାମୁଦ୍ରିକ ଝଡ଼ ଓ ପରବର୍ତ୍ତି ୨୪ ଘଣ୍ଟା ମଧ୍ୟରେ ଏକ ଅତି ଭୀଷଣ ସାମୁଦ୍ରିକ ଝଡରେ ପରିଣତ ହେବ । ଏହା ଆସନ୍ତା ୩ କିମ୍ବା ୪ ତାରିଖ ବେଳକୁ ଓଡ଼ିଶା ଛୁଇଁବାର ସମ୍ଭାବନା ରହିଛି । ଏହି ସମୟରେ ପବନର ବେଗ ଘଣ୍ଟାପ୍ରତି ୨୦୦ କିଲୋମିଟର ବେଗରେ ବୋହିବାର ସମ୍ଭାବନା ରହିଛି । ଫୋନି ଧୀର ଗତିରେ ଘଣ୍ଟାପ୍ରତି ମାତ୍ର ୪ କିଲୋମିଟର ବେଗରେ ଗତି କରୁଥିବାରୁ ଏହା ସମୁଦ୍ରମଧ୍ୟରୁ ଶକ୍ତି ସଂଚୟ କରି ଅଧିକ ଶକ୍ତିଶାଳୀ ହେଉଛି ।