ସରକାରୀ ଡାଏରିରେ ରହିଗଲା ଦାମଙ୍କ ନାମ
ଭୁବନେଶ୍ୱର : ଦାମୋଦର ରାଉତ ଆଉ ମନ୍ତ୍ରୀ ନାହାନ୍ତି। ଗତ ୨୨ ତାରିଖରୁ ସେ ମନ୍ତ୍ରିମଣ୍ଡଳରୁ ବାଦ୍ ପଡ଼ିଛନ୍ତି। କିନ୍ତୁ ୨୦୧୮ ମସିହାର ସରକାରୀ ଡାଏରିରେ ମନ୍ତ୍ରିମଣ୍ଡଳ ତାଲିକାରେ ଦାମଙ୍କ ନାମ ରହିଯାଇଛି। ଏବେ ଉପଲବ୍ଧ ହେଉଥିବା ଏହି ଡାଏରିରେ କୃଷି, ମତ୍ସ୍ୟ ଓ ପଶୁସମ୍ପଦ ମନ୍ତ୍ରୀ ଭାବେ ଦାମୋଦର ରାଉତଙ୍କ ନାମ ଉଲ୍ଲେଖ ଅଛି।
Sambad is now on WhatsApp
Join and get latest news updates delivered to you via WhatsApp
ଯଦିଓ ସରକାରୀ ଡାଏରି ୨୦୧୮ ମସିହାର, କିନ୍ତୁ ଏହା ବହୁ ଆଗରୁ ଛପାଯାଇଥାଏ। ତେଣୁ ଛପା ହେଲା ସମୟରେ ଯେଉଁମାନେ ମନ୍ତ୍ରିମଣ୍ଡଳରେ ଥା’ନ୍ତି, ସେମାନଙ୍କ ନାମ, ଠିକଣା ଓ ଫୋନ୍ ନମ୍ବର ରହିଥାଏ। ସେଥି ପାଇଁ ଶ୍ରୀ ରାଉତଙ୍କ ନାମ ଏଥିରେ ରହିଯାଇଛି। ସେ ମନ୍ତ୍ରିମଣ୍ଡଳରୁ ବରଖାସ୍ତ ହେଲା ପରେ ସରକାରୀ ଡାଏରି ବଜାରକୁ ଆସିଥିଲେ ବି ତାଙ୍କ ନାମ କାଟିବାକୁ ଆଉ ବାଟ ନ ଥିଲା। ତେଣୁ ଏହି ଡାଏରିକୁ ପାଖରେ ରଖିଥିବା ଲୋକମାନେ କୃଷି ମନ୍ତ୍ରୀ ଭାବେ ଶ୍ରୀ ରାଉତଙ୍କ ନାମ ହିଁ ଦେଖିବାକୁ ପାଇବେ।