ନୃତ୍ୟଶିଳ୍ପୀ ଅର୍ପିତା ପାଇଲେ ରାଷ୍ଟ୍ରୀୟ ନୀଳାଚଳ ସମ୍ମାନ
ସିଙ୍ଗଡ଼ା: କରଞ୍ଜିଆର ଉଦୀୟମାନ ନୃତ୍ୟଶିଳ୍ପୀ ଅର୍ପିତା ମାନ୍ନାଙ୍କୁ ତ୍ରିବେଣୀ କଳାକେନ୍ଦ୍ର, କଟକ ପକ୍ଷରୁ ପୁରୀ ଅନ୍ନପୂର୍ଣ୍ଣା ରଙ୍ଗମଞ୍ଚରେ ରାଷ୍ଟ୍ରୀୟ ନୀଳାଚଳ ସମ୍ମାନ ମିଳିଛି। ପଶ୍ଚିମବଙ୍ଗର ବିଶିଷ୍ଟ କଳାକାର ବିଧାନ ଚନ୍ଦ୍ର ଦାସ ତାଙ୍କୁ ସମ୍ମାନିତ କରିଛନ୍ତି। ଅର୍ପିତା ପୂର୍ବରୁ ମଧ୍ୟ ଅନେକ ସମ୍ମାନ ଓ ପୁରସ୍କାରର ଅଧିକାରୀ ହୋଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ସେ ରାଜ୍ୟପାଳ ଟ୍ରଫି, ମୁଁ ହିରୋ ମୁଁ ଓଡ଼ିଶା ସମ୍ମାନ, ସେବକ ଶ୍ରୀ ସମ୍ମାନ, ଝାଡ଼ଖଣ୍ଡ ଥିଏଟର ଆୱାର୍ଡ, ବନାରସ ହିନ୍ଦୁ ବିଶ୍ବବିଦ୍ୟାଳୟ ପକ୍ଷରୁ ମୟୂରୀ ସମ୍ମାନ ପାଇଛନ୍ତି। ଏହାଛଡ଼ା ବହୁ ଆଞ୍ଚଳିକ କଳା ଓ ସଂସ୍କୃତିକ ଉତ୍ସବରେ ତାଙ୍କୁ ସମ୍ମାନିତ କରାଯାଇଛି। ଅର୍ପିତା ଭବିଷ୍ୟତରେ ଜଣେ ସଫଳ ଓଡ଼ିଶୀ ନୃତ୍ୟାଶିଳ୍ପୀ ହେବାକୁ ଇଚ୍ଛା ରଖିଥିବା କହିଛନ୍ତି। ଅର୍ପିତା ହେଉଛନ୍ତି କରଞ୍ଜିଆ ରଜାବନ୍ଧ ସାହି ୱାର୍ଡ ନମ୍ବର ୩ର ବାସିନ୍ଦା ଅଜିତ କୁମାର ମାନ୍ନା ଓ ଗୌରୀ ମାନ୍ନାଙ୍କ ଏକମାତ୍ର ଝିଅ।