ସାଧାରଣତନ୍ତ୍ର ଦିବସରେ ଯୋଗଦେବେ ନୃତ୍ୟଶିଳ୍ପୀ

ଚଣ୍ଡିଖୋଲ : ଆସନ୍ତା ୨୬ ତାରିଖ ଗଣତନ୍ତ୍ର ଦିବସ ପାଳନ ଅବସରରେ ନୂଆଦିଲ୍ଲୀର ଲାଲକିଲ୍ଲା ଠାରେ ବଡ଼ଚଣା ବ୍ଲକ୍‌ ଡଗରପଡ଼ା ଗ୍ରାମର ଓଡ଼ିଶୀ ନୃତ୍ୟଶିଳ୍ପୀ ବିଭାସ ଚନ୍ଦ୍ର ଦାଶ ଓଡ଼ିଶୀ ନୃତ୍ୟ ପରିବେଷଣ କରିବେ। ଚଳିତ ମାସ ୫ ତାରିଖରେ ରାଜ୍ୟ ସରକାରଙ୍କ ପକ୍ଷରୁ ଭୁବନେଶ୍ୱର ଠାରେ ଓଡ଼ିଶୀ ନୃତ୍ୟଗୁରୁମାନଙ୍କୁ ନେଇ ଏକ ଚୟନ ପ୍ରକ୍ରିୟା ଅନୁଷ୍ଠିତ ହୋଇଥିଲା।

ଏଥିରେ ବିଭାସ ନୂଆଦିଲ୍ଲୀ ଯିବା ପାଇଁ ମନୋନୀତ ହୋଇଥିଲେ। ରାଜ୍ୟ ସରକାରଙ୍କ ପକ୍ଷରୁ ନିମନ୍ତ୍ରଣ ପାଇଁ ଶ୍ରୀ ଦାଶ ନୂଆଦିଲ୍ଲୀ ଅଭିମୁଖେ ଯାଇଛନ୍ତି।