ବରିଷ୍ଠ କଂଗ୍ରେସ ନେତା ହେମାନନ୍ଦ ବିଶ୍ୱାଳଙ୍କ ଦୁଇ ଝିଅ ଏଥର ନିର୍ବାଚନ ମଇଦାନରେ, ଜଣେ ବିଜେଡିରୁ ଆଉ ଜଣେ କଂଗ୍ରେସରୁ ହେଲେ ପ୍ରାର୍ଥୀ
ସୁନ୍ଦରଗଡ଼: ପୂର୍ବତନ ମୁଖ୍ୟମନ୍ତ୍ରୀ ତଥା ବରିଷ୍ଠ କଂଗ୍ରେସ ନେତା ହେମାନନ୍ଦ ବିଶ୍ୱାଳଙ୍କ ଦୁଇ ଝିଅ ଏଥର ନିର୍ବାଚନ ମଇଦାନରେ ଅଛନ୍ତି। କିନ୍ତୁ ଦୁହେଁ ଗୋଟିଏ ଦଳରୁ ନିର୍ବାଚନ ଲଢୁନାହାନ୍ତି। ଏମାନଙ୍କ ମଧ୍ୟରୁ ହେମାନନ୍ଦଙ୍କ ବଡ଼ ଝିଅ ସୁନୀତା ବିଶ୍ୱାଳ ବିଜୁ ଜନତା ଦଳର ଟିକେଟରେ ସୁନ୍ଦରଗଡ଼ (ସଂରକ୍ଷିତ) ଆସନରୁ ଲୋକସଭା ନିର୍ବାଚନ ଲଢୁଛନ୍ତି।
Sambad is now on WhatsApp
Join and get latest news updates delivered to you via WhatsApp
ଅପରପକ୍ଷରେ ହେମାନନ୍ଦଙ୍କ ସାନ ଝିଅ ଅମିତା ବିଶ୍ୱାଳ କଂଗ୍ରେସ ଟିକେଟରେ ସୁନ୍ଦରଗଡ (ସଂରକ୍ଷିତ) ଆସନରୁ ବିଧାନସଭା ନିର୍ବାଚନରେ ଲଢୁଛନ୍ତି। ବଡ ଭଉଣୀ ବିଜେଡି ଓ ସାନ ଭଉଣୀ କଂଗ୍ରେସରୁ ପ୍ରାର୍ଥୀ ହୋଇଥିବା ହେତୁ ଏଥର ରୋଚକ ଲଢେଇ ଦେଖିବାକୁ ମିଳିବ। ଅମିତା ବିଶ୍ୱାଳ ଓ ସୁନୀତା ବିଶ୍ୱାଳ ଦୁହେଁ ଗୃହିଣୀ। ଆଗରୁ ଏ ଦୁହେଁ କେବେ ବି କୌଣସି ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରି ନଥିଲେ।
ଏଠାରେ ସୂଚନାଯୋଗ୍ୟ ଯେ ସୁନୀତା ବିଶ୍ୱାଳ କିଛି ଦିନତଳେ ବିଜୁ ଜନତା ଦଳରେ ଯୋଗ ଦେଇଥିଲେ। ଗତ ୨୦୧୪ ଲୋକସଭା ନିର୍ବାଚନରେ ହେମାନନ୍ଦ ବିଶ୍ୱାଳ ସୁନ୍ଦରଗଡ଼ (ସଂରକ୍ଷିତ) ଆସନରୁ କଂଗ୍ରେସର ଲୋକସଭା ପ୍ରାର୍ଥୀ ହୋଇଥିଲେ,ମାତ୍ର ପରାଜିତ ହୋଇଥିଲେ। ତେବେ ୨୦୦୯ ଲୋକସଭା ନିର୍ବାଚନରେ ସେ ଏଠାରୁ ବିଜୟୀ ହୋଇଥିଲେ।