କଟକ: ସାରା ରାଜ୍ୟରେ ଚାଂଚଲ୍ୟ ସୃଷ୍ଟି କରିଥିବା ଜଣେ ସନ୍ଦିଗ୍ଧ ଷ୍ଟୋନମ୍ୟାନକୁ ପୁଲିସ ଅଟକ ରଖିଥିବାର ଖବର ମିଳିଛି । ଏନେଇ ସୂଚନା ଦେଇଛନ୍ତି କଟକ ଡିସିପି ଅଖିଳେଶ୍ୱର ସିଂହ । ସେ କହିଛନ୍ତି ଜଣେ ସନ୍ଦିଗ୍ଧକୁ ଅଟକ ରଖି ପଚରାଉଚରା କରାଯାଉଛି ।
Sambad is now on WhatsApp
Join and get latest news updates delivered to you via WhatsApp
ସନ୍ଦିଗ୍ଧର ଘର ଗଞ୍ଜାମ ଜିଲ୍ଳାରେ ଓ ତାର ନାଁ ନାରାୟଣ ସାହୁ । ଏହି ଘଟଣା ଘଟିବାପରେ ଉକ୍ତ ସନ୍ଦିଗ୍ଧ କଟକ ଛାଡ଼ି ଚାଲିଯାଇଥିଲା। ତେବେ ସେହି ବ୍ୟକ୍ତି ସାଇକୋକିଲର କି ନାହିଁ ତାହା ସ୍ପଷ୍ଟ ହୋଇନାହିଁ । ଅଧିକ ତଦନ୍ତ ହେଲେ ସେହି ବ୍ୟକ୍ତି ସାଇକୋକିଲର କି ନାହିଁ ତାହା ସ୍ପଷ୍ଟ ହେବ । ୫ଟି ଟିମ୍ କରି ରାଜ୍ୟର ବିଭିନ୍ନ ସ୍ଥାନରେ ଛାନଭିନ୍ ଜାରି ରଖିଥିଲା ପୁଲିସ୍ ।
ସିଲଭର୍ ସିଟି କଟକରେ ତିନି ତିନି ଜଣଙ୍କୁ ହତ୍ୟା କରି ସାରା ରାଜ୍ୟରେ ଚାଂଚଲ୍ୟ ସୃଷ୍ଟି କରିଥିବା ଷ୍ଟୋନମ୍ୟାନକୁ ଗତ ୨୪ ତାରିଖରୁ ଖୋଜୁଛି ପୁଲିସ୍ । ଧରିବା ପାଇଁ ଦିନ ରାତି ପାଟ୍ରୋଲିଙ୍ଗ କରିବା ସହ ସ୍ୱତନ୍ତ୍ର ଟିମ କରି ତଦନ୍ତ ଚଳାଇଛି । ଏପରିକି ଫୋରେନସିକ୍ ମେଡିସିନ୍ ସ୍ପେଶାଲିଷ୍ଟଙ୍କ ସହ ଆଲୋଚନା କରିଛି । ଏହି ହତ୍ୟାକାଣ୍ଡର ଅନ୍ୟାନ୍ୟ ସ୍ଥିତିରୁ ଏହା ଜଣେ ମାନସିକ ବିକାରଗ୍ରସ୍ତର କାର୍ଯ୍ୟ ବୋଲି ବାରମ୍ବାର କହି ଆସୁଛନ୍ତି ପୁଲିସ୍ କମିଶନର ।