୧୨ ଘଣ୍ଟା ଧରି ଟ୍ରେନ୍ରେ ପଡ଼ି ରହିଲା ଶବ; କେହି ଦେଖି ପାରିଲେନି
ରାଉରକେଲା : ରେଳ ବିଭାଗର ଅବହେଳା ଆଜି ପଦାରେ ପଡ଼ିଛି। ଜଣେ ଅଜଣା ଯୁବକଙ୍କର ଶବ ପ୍ରାୟ ୧୨ ଘଣ୍ଟା ଧରି ଏକ ଟ୍ରେନରେ ପଡ଼ିରହିଲା। ଗୋଟିଏ ପରେ ଗୋଟିଏ ଷ୍ଟେସନ ପାରି ହେଉଥିଲା ଟ୍ରେନ। କିନ୍ତୁ ରେଳ ସୁରକ୍ଷାକର୍ମୀ କିମ୍ବା ରେଳ ପୁଲିସ କେହି ଶବ ଦେଖି ପାରିଲେନି କି ଉଦ୍ଧାର କଲେନି। ଶେଷରେ ଶବଟିକୁ ରାଉରକେଲା ଷ୍ଟେସନରେ ରେଳ ପୁଲିସ ସହାୟତାରେ ଓହ୍ଲାଯାଇ ମର୍ଗ ହାଉସ୍ରେ ରଖାଯାଇଛି। ନିର୍ଦ୍ଦିଷ୍ଟ କେଉଁ କାରଣରୁ ଯୁବକଙ୍କ ମୃତ୍ୟୁ ହୋଇଛି, ତାହା ସ୍ପଷ୍ଟ ହୋଇନାହିଁ।
ଆଜି ଭୋର୍ ପ୍ରାୟ ୩ଟାରେ ଇତୱାରୀ-ଟାଟାନଗର ପାସେଞ୍ଜର୍ ଟ୍ରେନ୍ ରାଉରକେଲା ଷ୍ଟେସନ ୪ ନମ୍ବର ପ୍ଲାଟଫର୍ମରେ ଅଟକିବା ପରେ ଆର୍ପିଏଫ୍ କର୍ମଚାରୀ ଏକ ଖାଲି ବଗିର ଚଟାଣରେ ଜଣେ ଯୁବକ(୪୦)ର ଶବ ପଡ଼ି ରହିଥିବା ଦେଖିବାକୁ ପାଇଥିଲେ। ସନ୍ଦେହ ହେବାରୁ ଯୁବକଙ୍କୁ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରାଯାଇଥିଲା। ତେବେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ୧୦/୧୨ ଘଣ୍ଟା ପୂର୍ବେ ଯୁବକର ମୃତ୍ୟୁ ହୋଇସାରିଥିବା ଡାକ୍ତର ସୂଚନା ଦେଇଥିଲେ। ଯେଉଁ ବଗିରେ ଯୁବକର ମୃତ ଦେହ ଉଦ୍ଧାର କରାଯାଇଥିଲା, ସେଠାରେ ଜଣେ ହେଲେ ଯାତ୍ରୀ ନ ଥିବାରୁ ଯୁବକର ମୃତ୍ୟୁର କାରଣ ବିଷୟରେ ଅଧିକ ଜଣାପଡ଼ିନାହିଁ।
ଅନ୍ତର୍ଜାତୀୟରୁ ଆରମ୍ଭ କରି ଜାତୀୟ ତଥା ରାଜ୍ୟର ୩୧୪ ବ୍ଲକରେ ଘଟୁଥିବା ପ୍ରତିଟି ଘଟଣା ଉପରେ ସମ୍ବାଦ ଓ କନକ ନ୍ୟୁଜ ଆପଣଙ୍କୁ ଦେଉଛି ୨୪ ଘଂଟିଆ ଅପଡେଟ | କରୋନାର ସଂକଟ ସମୟରେ ଆମେ ଲୋଡୁଛୁ ଆପଣଙ୍କ ସହଯୋଗ । ‘ସମ୍ବାଦ’ ଗ୍ରୁପର ଡିଜିଟାଲ ମିଡିଆକୁ ଆର୍ଥିକ ସମର୍ଥନ ଜଣାଇ ଆଂଚଳିକ ସାମ୍ବାଦିକତାକୁ ଶକ୍ତିଶାଳୀ କରନ୍ତୁ |
